សភា​អាមេរិក​ទាំងពីរ​បញ្ជាក់​ច្បាស់​ថា ដូ​ណា​ល់ ត្រាំ ឈ្នះឆ្នោត​ប្រធានាធិបតី​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
សភា​អាមេរិក​ទាំងពីរ​បញ្ជាក់​ច្បាស់​ថា ដូ​ណា​ល់ ត្រាំ ឈ្នះឆ្នោត​ប្រធានាធិបតី​
អត្ថបទ : សៅ ផលនិស្ស័យ       January-07-2017, 9:30 pm         7690
រូបភាព
​សភា​អាមេរិក​ទាំងពីរ​ថ្នាក់​បានរៀបចំ​ពី​ធី​រាប់​ប្រតិភូ​បោះឆ្នោត​ចុងក្រោយ នៅ​ថ្ងៃ​សុក្រ​ទី ៦ មករា​ដោយ​បញ្ជាក់ថា លោក ដូ​ណា​ល់ ត្រាំ ពិតជា​ឈ្នះឆ្នោត​ប្រធានាធិបតី​កាលពី​ខែវិច្ឆិកា​ឆ្នាំ ២០១៦​។ ក្នុង​ពិធី​នេះ គេ​ឃើញ សមាជិកសភា​បក្ស​ប្រជាធិបតេយ្យ​ប្រឹង​តស៊ូ​មតិ​ជំទាស់​លទ្ធផល​ដែរ តែ​ត្រូវ​អនុ​ប្រធានាធិបតី​លោក Joe Biden ប្រាប់​ឲ្យ​បញ្ឈប់​រាល់​ការតវ៉ា​។​

«​ដូ​ណា​ល់ ត្រាំ នៃ​ក្រុង​ញូវយ៉ក​បានទទួល បាន​ប្រតិភូ​គាំទ្រ​សរុប ៣០៤ ខណៈដែល​បេក្ខជន​ប្រធានាធិបតី​បក្ស​ប្រជា​ធិ​តេ​យ្យ ហ៊ី​ឡា​រី គ្លី​ន​តុ​ន ទទួលបាន ២២៧ ប្រតិភូ​»​។ នេះ​ជាការ​ប្រកាស​របស់​អនុ​ប្រធានាធិបតី Joe Biden ចំពោះមុខ​សមាជិកសភា​ទាំងពីរ​ក្នុង​ពិធី​រាប់​សន្លឹក​សន្លឹកឆ្នោត​ចុងក្រោយ​នា​ថ្ងៃ​សុក្រ​។ 
 
​យោងតាម​ទីភ្នាក់ងារ​ព័ត៌មាន AFP  ពិធី​រាប់​សន្លឹកឆ្នោត​ចុងក្រោយ​ក្នង​សភា​ទាំងពីរ​នេះ​បញ្ជាក់​ពី​ភាពត្រឹមត្រូវ​នៃ​ការបោះឆ្នោត​និង​បញ្ជាក់​ឲ្យ​ឃើញច្បាស់​ថា លោក ដូ​ណា​ល់ ត្រាំ ពិតជា​បាន​ជាប់ឆ្នោត​ប្រធានាធិបតី​ពិតមែន​។​
 
​ប៉ុន្តែ​ក្នុង​ពិធី​ជា​ផ្លូវការ​នេះ គេ​ឃើញ​មាន​ប្រតិភូ​បោះឆ្នោត​នៅ​រដ្ឋ​ចំនួន ៧ បាន​តវ៉ា​ប្រឆាំង​លទ្ធផល​នៅ​រដ្ឋ​របស់ខ្លួន និង​ព្យាយាម​បង្អាក់​ការបន្ត​រាប់​សន្លឹកឆ្នោត ប៉ុន្តែ​ការតវ៉ា​នេះ​មិនមាន​ឥទ្ធិពល​អ្វី​លើ​ការសម្រេច​ចុងក្រោយ​នេះឡើយ​។​អ្វីដែល​សំខាន់​លោក Joe Biden ដែលជា​អនុ​ប្រធានាធិបតី​និង​ជា​ប្រធានព្រឹទ្ធសភា​ផង​នោះ បាន​បង្អាក់​រាល់​ការតវ៉ា​ទាំងអស់នេះ​។​
 
​លោក Joe Biden បាន​អះអាងថា ការរាប់​លទ្ធផល​ជា​ផ្លូវការ​នេះ វា​គ្រប់គ្រាន់​ដើម្បី​អាច​ប្រកាស​បាន​ថា លោក ដូ​ណា​ល់ ត្រាំ និង​លោក Mike Pence នឹងត្រូវ​ស្បថ​ចូលកាន់​តំណែង​នៅ​ថ្ងៃ ២០​មករា​ខាងមុខ​។ 
​ចំ​ណែ​ប្រធានរដ្ឋសភា លោក Paul Ryan បានប្រកាស​ក្រោយ​រាប់​លទ្ធផល​បោះឆ្នោត​រួចរាល់​ថា​៖« តាម​លទ្ធផល​បោះឆ្នោត ដូ​ណា​ល់ ត្រាំ នឹង​ក្លាយជា​ប្រធានាធិបតី​ទី ៤៥ នៃ​សហរដ្ឋអាមេរិក​»​។ 
 
​តាមពិតទៅ ពិធី​បែបនេះ​គ្មាន​អ្វីដែល​ធ្វើ​ឲ្យ​ប៉ះពាល់​ដល់​លទ្ធផល​បោះឆ្នោត​ឡើយ ព្រោះ​ការបោះឆ្នោត​របស់​ប្រតិភូ​បោះឆ្នោត​កាលពី​ថ្ងៃ ១៨ ធ្នូ​នោះបាន​សម្រេច​រួចទៅហើយ​ថា អ្នកណា​ជា​អ្នកឈ្នះ​។ 
​សូមបញ្ជាក់ថា ការបោះឆ្នោត​ប្រធានាធិបតី​អាមេរិក​កាលពី​ថ្ងៃ ៨ វិច្ឆិកា មិនមែនជា​ការបោះឆ្នោត​រើស​ប្រធានាធិបតី​ដោយផ្ទាល់​ឡើយ​។​ប៉ុន្តែ​គេ​ជ្រើសរើស​ប្រតិភូ​បោះឆ្នោត​ដែលមាន​សិទ្ធិ​បោះឆ្នោត​រើស​ប្រធានាធិបតី​បន្តទៀត​៕​
   រក្សាសិទ្ធិដោយ thmeythmey.com  
ព័ត៌មានចម្រុះ
2 hrs - 2431
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2018
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1037
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2962
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2319
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017