ជនសង្ស័យ​បណ្តាញ​ក្រុម​រដ្ឋ​ឥស្លាម​ពីរ​នាក់​ត្រូវ​ទាហាន​ហ្វីលីពីន​សម្លាប់​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
ជនសង្ស័យ​បណ្តាញ​ក្រុម​រដ្ឋ​ឥស្លាម​ពីរ​នាក់​ត្រូវ​ទាហាន​ហ្វីលីពីន​សម្លាប់​
អត្ថបទ : សៅ ផលនិស្ស័យ       January-08-2017, 12:33 pm         1526
រូបភាព
 
​កងកម្លាំង​សន្តិសុខ​ហ្វីលីពីន​បានសម្លាប់​ជនសង្ស័យ​ពីរ​នាក់​ដែល​ពាក់ព័ន្ធ​បណ្តាញ​ក្រុម​ភេរវជន​ដែល​គាំទ្រ​ក្រុម​រដ្ឋ​ឥស្លាម​។ មុន​មានការ​បាញ់សម្លាប់​នេះ ជនសង្ស័យ​បាន​ព្យាយាម​រត់គេច​ពី​ការឃាត់ខ្លួន​និង​ព្យាយាម​គប់​គ្រាប់បែក​លើ​ក្រុមប៉ូលិស​និង​ទាហាន​ថែម​ទៀ​តោង​។​

​ជនសង្ស័យ​ពីរ​នាក់​ត្រូវបាន​កង​ម្លាំ​ង​សន្តិសុខ​ហ្វីលីពីន​បាញ់សម្លាប់​នៅ​ថ្ងៃ ៧​មករា​ឆ្នាំ ២០១៧ ។ ជន​ទាំងពីរ​នាក់​នេះ​ជា​ជនសង្ស័យ​ដែលជា​ប់​ពាក់ព័ន្ធ​បណ្តាញ​ក្រុម​ប្រដាប់អាវុធ​ដែល​គាំទ្រ​ក្រុម​ភេរវជន​រដ្ឋ​ឥស្លាម​។ 
 
​យោងតាម​ទីភ្នាក់ងារ​ព័ត៌មាន Reuters មន្ត្រី​ប៉ូលីស​ហ្វីលីពីន​បាន​អះអាងថា​ជនសង្ស័យ​ដែល​ស្លាប់មាន​គ្នា​ពីរ​នាក់​ម្នាក់​ជា​បុរស​និង​ម្នាក់ទៀត​ជា​ស្ត្រី​។ មកទល់ពេលនេះ​ប៉ូលីស​កំពុង​ព្យាយាម​កំណត់​អត្តសញ្ញាណ​ជនសង្ស័យ​ជា​ស្ត្រី​ដែលជា​ជនបរទេស​នៅឡើយ​។​
 
​រីឯ​ជនសង្ស័យ​ភេទ​ប្រុស​នោះ​ត្រូវបាន​គេ​កំណត់​អត្តសញ្ញាណ​បាន​ថា​ជា​ជនជាតិ​ប៉ា​គី​ស្ថាន ហើយ​មានឈ្មោះ Abu Naila ។ មុន​មានការ​បាញ់សម្លាប់​នេះ ជន​ខាងលើ​បាន​ព្យាយាម​រត់គេច​ពី​ការឃាត់ខ្លួន ហើយ​ថែមទាំង​ប៉ុនប៉ង​បោក​គ្រាប់បែក​លើ​កងកម្លាំង​ប៉ូលិស​និង​ទាហាន​ខណៈ​កង​ម្លាំ​ង​ទាំងនេះ​បំពេញ​ប្រតិបត្តិ​ការតាមប្រមាញ់​ភេរវជន​នៅ​ខេត្ត Sarangani​។ 
 
​ក្រុម​កងកម្លាំង​ប៉ូលិស​និង​ទាហាន​ហ្វីលីពីន បាន​បំពេញ​ប្រតិបត្តិ​ការប្រឆាំង​បណ្តាញ​ក្រុម​សកម្មប្រយុទ្ធ Ansar Al-Khilafah ដែលជា​ក្រុម​ដែល​បានប្រកាស​បង្ហាញ​ភក្តីភាព​ចំពោះ​ក្រុម​ភេរវជន​រដ្ឋ​ឥស្លាម​នៅ​ស៊ី​រី​និង​អ៊ីរ៉ាក់​ដែរ​។ ក្រុម​នេះ​ល្បីឈ្មោះ​ខាង​បង្ក​អសន្តិសុខ​នៅ​តំបន់​ភាគខាងត្បូង​ប្រទេស​ហ្វីលីពីន​អស់​រាប់​ឆ្នាំ​មកនេះ​។ 
 
​កាលពី​ថ្ងៃ​ព្រហស្បតិ៍​មេប៉ូលីស​ហ្វីលីពីន លោក Ronald dela Rosa បាន​បញ្ជាក់ថា កងកម្លាំង​សន្តិសុខ​ហ្វីលីពីន​បាន​បំបាក់​ធ្មុង​ក្រុម​សកម្មប្រយុទ្ធ​ខាងលើ​រួចទៅហើយ ដោយ​ពួកគេ​បានសម្លាប់​មេដឹកនាំ​ក្រុម​នេះ Mohamma Jaafar Maguid និង​ចាប់ខ្លួន​មេដឹកនាំ​ក្រុម​នេះ​បីនាក់​ផ្សេងទៀត​។ 
 
​ប៉ុន្តែ​លោក​បាន​ព្រមាន​ជាមុន​ថា ក្រុម​ប្រដាប់អាវុធ​នេះ​អាច​នឹង​ចាប់ផ្តើម​សងសឹក​ចំពោះ​សកម្មភាព​របស់​កងក​ម្លាំ​ង​សន្តិសុខ​ហ្វីលីពីន ហើយ​លោក​បញ្ជា​ឲ្យ​មានការ​ប្រុង​ជើងការ​ខ្ពស់​ដើម្បី​ការពារ​សន្តិសុខ​។​
​ចំណែក​លោក​ប្រធានាធិបតី Rodrigo Duterte ក៏បាន​ព្រមាន​ផងដែរ​ពី​លទ្ធភាព​នៃ​ការ​ឈានទៅ​បង្កើត​បណ្តាញ​ក្រុម​រដ្ឋ​ឥស្លាម​កាន់តែច្រើន​នៅ​តំបន់​អាស៊ីអាគ្នេយ៍ ហើយ​លោក​សង្កត់ធ្ងន់ថា វា​ចាំបាច់​ត្រូវមាន​វិធានការ​មួយ​ដើម្បី​បញ្ចៀស​ការ​រឿងរ៉ាវ​ដ៏​អាក្រក់​នេះ​៕​
Tag:
 IS
  ហ្វីលីពីន​
  Ansar Al-Khilafah
  Rodriog Duterte
   រក្សាសិទ្ធិដោយ thmeythmey.com  
ព័ត៌មានដែលទាក់ទង
ព័ត៌មានចម្រុះ
2 hrs - 2381
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2009
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1037
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2961
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2315
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017