Marine Le Pen សន្យា​នាំ​បារាំង​ចេញពី​សហភាព​អឺរ៉ុប បើ​ស្ថាប័ន​នេះ​មិន​រម្លែក​អំណាច​ឲ្យ​បារាំង​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
Marine Le Pen សន្យា​នាំ​បារាំង​ចេញពី​សហភាព​អឺរ៉ុប បើ​ស្ថាប័ន​នេះ​មិន​រម្លែក​អំណាច​ឲ្យ​បារាំង​
អត្ថបទ : សៅ ផលនិស្ស័យ       January-08-2017, 7:39 pm         1500
រូបភាព
 
​ប្រធាន​បក្ស​ស្តាំនិយម​និង​ជា​បេក្ខជន​ប្រធានាធិបតី​បារាំង​លោកស្រី Marine Le Pen បាន​សន្យាថា​នឹង​រៀបចំ​យុទ្ធនា​ការជំរុញ​ឲ្យ​បារាំង​ចាក​ចេញពី​សហភាព​អឺរ៉ុប (Frexit) បើសិនជា​សហភាព​អឺរ៉ុប​មិន​ចែករម្លែក​អំណាច​ខ្លះមក​ឲ្យ​បារាំង​ទេ​។ លោកស្រី​ទាមទារ​ឲ្យ​ស្ថាប័ន​ព្រុយ​សែ​ល​ផ្តល់​អំណាច​គ្រប់គ្រង​ជនអន្តោប្រវេសន៍ និង​សេដ្ឋកិច្ច​មក​បារាំង​ទាំងស្រុង​វិញ​។
-
​ការចាកចេញ​របស់​បារាំង​ពី​សហភាព​អឺរ៉ុប​ក្លាយជា​ប្រធានបទ​ក្តៅ​មួយទៀត​ហើយ​នៅ​ដើមឆ្នាំ ២០១៧ ខណៈដែល​ការបោះឆ្នោត​ប្រធានាធិបតី​បារាំង​កាន់តែ​ជិត​មកដល់​នោះ​។ អ្នកនយោបាយ​បារាំង​ចាប់ផ្តើម​ទាញយក​បញ្ហា​នេះ​មក​ធ្វើ​ប្រធានបទ​ឃោសនា​ដើម្បី​ទាកទាញ​ប្រជាប្រិយភាព​។ 
 
​លោកស្រី Marine Le Pen ដែលជា​អ្នកនយោបាយ​ស្តាំនិយម​បក្ស​រណសិរ្ស​ជាតិ និង​ជា​បេក្ខជន​ប្រធានាធិបតី​ដ៏​លេចធ្លោរ​ម្នាក់​ផង​នោះ បាន​សង្កត់ធ្ងន់​ជាថ្មី​ថា លោកស្រី​នឹង​បំផុស​បំផុត​ចលនា​ប្រឆាំង​សហភាព​អឺរ៉ុប​ដូច​នៅ​អង់គ្លេស  ក្នុងករណី​ដែល​ស្ថាប័ន​អឺរ៉ុប​មិន​ចែករម្លែក​អំណាច​មួយចំនួន​មក​ឲ្យ​បារាំង​ទេនោះ​។ 
 
​លោកស្រី Le Pen បាន​សន្យា​ដូច្នេះ ក្នុងពេលដែល​លោកស្រី​ជួប​ជាមួយ​បណ្តា​ក្រុម​អ្នកសារព័ត៌មាន​បរទេស តែ​លោកស្រី​ហាក់ដូចជា​បន្ទន់​ជំហរ​ខ្លះ​ចំពោះ​បញ្ហា​មួយចំនួន​ជាពិសេស​ពាក់ព័ន្ធ​បញ្ហា​ការ​លុយ​រួមគ្នា​។ លោកស្រី​អធិប្បាយ​ថា គេ​អាច​ប្រើប្រាស់​លុយ​រួមគ្នា​បាន ប៉ុន្តែ​តែ​វា​ត្រូវ​ប្រើ​រួមគ្នា​ជាមួយ​រូបី​យ​វត្ថុ​របស់​ជាតិ​។​
 
​ក្នុងករណី​ដែល​អ្នកស្រី​ជាប់ឆ្នោត​ថ្ងៃ ៧​ខែឧសភា ខាងមុខ លោកស្រី​នឹង​ចាប់ផ្តើម​ចរចា​ជាមួយ​សហភាព​អឺរ៉ុប​ភ្លាមៗ​លើ​ដោយ​ទាមទារ​យក​អំណាច​មក​វិញ​មក​គ្រប់គ្រង​បញ្ហា​ធំ​ចំនួន ៤ ក្នុងនោះ​មានការ​គ្រប់គ្រង​សេដ្ឋកិច្ច​, ព្រំដែន​, រូបិយប័ណ្ណ និង​ច្បាប់​ផង​។  
 
​លោកស្រី Le Pen បាន​សង្កត់​ធ្ង​ន​ថា​៖ «​យើង​នឹងធ្វើ​យ៉ាងណា​ធានា​ឲ្យ​បាន​ថា អំណាច​បួន​នឹងត្រូវ​ផ្ទេរ​មក​បារាំង​វិញ ហើយ​ខ្ញុំ​នឹង​ផ្តល់​ប្រឹក្សា​ដល់​បារាំង​ថា​យើង​នឹង​គួរ​នាំ​បន្ត​ជា​ផ្នែ​ម​មួយ​នៃ​ក្រុម​រដ្ឋ​អឺរ៉ុប ឬក៏​មិនគួរ​បន្ត​ទេ​»​។ 
 
​ជារួម​ការចរចា​នេះ​វា​នឹង​ផ្តោតលើ​ការទាមទារ​របស់​បារាំង​ដើម្បី​យក​អំណាច​គ្រប់គ្រង​ព្រំដែន​មកវិញ​, បញ្ចប់​អំណាច​ស្ថាប័ន​ព្រុយ​សែ​ល​លើ​ការបង្កើត​ច្បាប់​និង​បទបញ្ញត្តិ​របស់​រដ្ឋ និង​ឈានទៅ​អនុម័ត​គោលនយោបាយ​សេដ្ឋកិច្ច​មាន​លក្ខណៈ​គាំពារ​និយម​ដោយឡែក​។ 
 
​សូមបញ្ជាក់​បន្តិច​ថា គោលនយោបាយ​សំខាន់​របស់លោក​ស្រី Marine Le Pen ក្នុងការ​ប្រកួតប្រជែង​ការបោះឆ្នោត​ប្រធានាធិបតី គឺ​ប្រឆាំង​ជនអន្តោប្រវេសន៍ ស្រប​ពេលដែល​ប្រជាជន​បារាំង​ក្លាយជា​ជនរងគ្រោះ​នៃ​បញ្ហា​សេដ្ឋកិច្ច និង​បារម្ភ​ពី​បញ្ហា​ភេរវកម្ម​ដែល​អុកឡុក​បារាំង​កន្លងមក​។ ហើយ​ជ័យជម្នះ​របស់លោក ដូ​ណា​ល់ ត្រាំ និង​ការចាកចេញ​ពី​សហភាព​អឺរ៉ុប​របស់​អង់គ្លេស​រឹតតែ​ធ្វើ​ឲ្យ អ្នកនយោបាយ​ស្តាំនិយម​ជ្រុល​លោកស្រី Marine Le Pen នេះ​មាន​ក្តីសង្ឃឹម​ក្នុងការ​យកជ័យ​ជម្នះ​នៅក្នុង​ការបោះឆ្នោត​ខែឧសភា​ខាងមុខ​ថែមទៀត​៕​
Tag:
 Marine Le Pen
  Frexit
   រក្សាសិទ្ធិដោយ thmeythmey.com  
ព័ត៌មានដែលទាក់ទង
ព័ត៌មានចម្រុះ
2 hrs - 2470
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2027
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1038
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2964
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2320
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017