ដូ​ណា​ល់ ត្រាំ ថា​អ្នក​មិន​ចង់​ឲ្យ​អាមេរិក​បង្កើត​ទំនាក់ទំនង​ល្អជា​មួយ​រុស្ស៊ី​ជាម​នុស្ស​ឆ្កួត​ឡប់​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
ដូ​ណា​ល់ ត្រាំ ថា​អ្នក​មិន​ចង់​ឲ្យ​អាមេរិក​បង្កើត​ទំនាក់ទំនង​ល្អជា​មួយ​រុស្ស៊ី​ជាម​នុស្ស​ឆ្កួត​ឡប់​
អត្ថបទ : សៅ ផលនិស្ស័យ       January-08-2017, 9:30 pm         6700
រូបភាព
 
​ប្រធានាធិបតី​ទើប​ជាប់ឆ្នោត​លោក ដូ​ណា​ល់ ត្រាំំ បាន​ទិតៀន​បណ្តា​អ្នក​ដែល​រិះគន់​គោលជំហរ​ស្តារ​ទំនាក់ទំនង​ជាមួយ​រុស្ស៊ី​របស់​រដ្ឋបាល​លោក ដោយ​បញ្ជាក់​មានតែ​មនុស្ស​ឆ្កួត​ប៉ុណ្ណោះ​ដែល​មិន​ចង់​ឲ្យ​អាមេរិក​ត្រូវរ៉ូវ​គ្នា​ជាមួយ​រុស្ស៊ី​។ លោក​អះអាងថា រុស្ស៊ី​នឹង​គោរព​អាមេរិក​ពេល​លោក​ស្បថ​ចូលកាន់​តំណែង​ជា​ប្រធានាធិបតី មិនមែន​ដូច​ពេលនេះ​ឡើយ​។​
-
​នៅសល់​ប៉ុន្មាន​ថ្ងៃ​ទៀត​ប៉ុណ្ណោះ លោក ដូ​ណា​ល់ ត្រាំ នឹង​ស្បថ​ចូលកាន់​តំណែង​ជា​ផ្លូវការ​ហើយ​។ លោក​នៅតែ​រក្សា​បំណង​ចង់​ស្តារ​ទំនាក់ទំនង​ជាមួយ​រុស្ស៊ី​ដដែល ទោះបីជា​មានការ​រិះគន់ ឬ​ការ​វាយតម្លៃថា​ជា​គ្រោះថ្នាក់​យ៉ាងណាក៏ដោយ​។​
 
​នៅ​ព្រឹក​ថ្ងៃ​សៅរ៍​ទី ៧​មករា លោក ដូ​ណា​ល់ ត្រាំ បាន​សរសេរ​បង្ហោះ​ក្នុង​ប្រព័ន្ធ​ទំនាក់ទំនង​សង្គម​ហ្វេ​ស​ប៊ុ​ក​របស់ខ្លួន​ថា ការ​មាន​ទំនាក់ទំនង​ល្អជា​មួយ​រុស្ស៊ី​ជា​រឿង​ល្អ​មួយ ហើយ​លោក​ទិតៀន​មិន​សំចៃមាត់​ចំពោះ​អ្នក​ដែល​ចាំ​ចាប់កំហុស​និង​គិតថា វា​ជា​រឿង​អាក្រក់​។ មានតែ​មនុស្ស​ឆ្កួត​ប៉ុណ្ណោះ​ដែល​គិតថា ការបង្កើត​ទំនាក់ទំនង​ល្អ​រវាង​រុស្ស៊ី និង​អាមេរិក​ជា​រឿង​គ្រោះថ្នាក់​នោះ​។​
 
«​មាន​ទំនាក់ទំនង​ល្អ​ជាមួយ​រុស្ស៊ី​ជា​រឿង​មួយ​ដ៏​ល្អ មិនមែនជា​រឿង​អាក្រក់​ឡើយ​។ មានតែ​មនុស្ស​ឆ្កួត​ទេ​ដែល​គិតថា វា​អាក្រក់​។ មាន​បញ្ហា​ច្រើន​គ្រប់គ្រាន់​ហើយ​នៅលើ​ពិភពលោក​។ នៅពេលដែល​ខ្ញុំ​ក្លាយជា​ប្រធានាធិបតី រុស្ស៊ី​នឹង​គោរព​អាមេរិក​ឆ្ងាយ​ជា​ពេលបច្ចុប្បន្ន​នេះ​។ ប្រទេស​យើង​ទាំងពីរ​នឹង​អាចធ្វើ​ការរួម​គ្នា​ដើម្បី​ដោះស្រាយ​បញ្ហា​ធំៗ​របស់​ពិភពលោក​»​។​
 
​ការលើកឡើង​បែបនេះ ក្រៅពី​បង្ហាញ​ជំហរ​ឥត​ងាករេ​ក្នុងការ​ឈានទៅ​ចាប់ដៃ​រុស្ស៊ី លោក ដូ​ណា​ល់ ត្រាំ ក៏​ព្រលះ​អ្នកនយោបាយ​អាមេរិក​មួយចំនួន​ដែល​តែង​ចោទប្រកាន់​លោក និង​រិះគន់​គោលនយោបាយ​ស្តារ​ទំនាក់ទំនង​ជាមួយ​រុស្ស៊ី​។ មួយទៀត​លោក​ចង់​ផ្ញើ​សារ​ទៅកាន់​បណ្តា​ក្រុម​អ្នកប្រជាធិបតេយ្យ​ដែល​បន្ត​ចោទ​រុស្ស៊ី​ថា​បាន​លូកលាន់​ចូលក្នុង​ការបោះឆ្នោត​និង​ជួយ​ឲ្យ​លោក​ឈ្នះឆ្នោត​កន្លងមក​នោះ​។ 
 
​ដើមឡើយ​លោក ទាត់ចោល​របាយការណ៍​ចារកម្ម​រឿង​រុស្ស៊ី​ចូល​លួច​ទិន្នន័យ​និង​វាយប្រហារ​តាម​ប្រព័ន្ធ​អ៊ីនធឺណិត​។  ប៉ុន្តែ​ក្រោយពេល​ជួប​ជាមួយ​បណ្តា​ស្ថាប័ន​ចារកម្ម​កាលពី​ថ្ងៃ​សុក្រ​ទី ៦​មករា លោក​បានទទួល​ស្គា​ល់ពី​ការវាយប្រហារ​តាម​ប្រព័ន្ធ​អ៊ីនធឺណិត​នេះ​តែ​មិនមែន​មានតែរ​ស្ស៊ី​ឡើយ​។ ប្រទេស​ផ្សេងទៀត​មានដូចជា​ចិន​ក៏​ជា​គ្រោះថ្នាក់​សម្រាប់​អាមេរិក​ដែរ​។ 
 
​តាំងពី​យូរ​មកហើយ​លោក ដូ​ណា​ល់ ត្រាំ​តែងតែ​កោតសរសើ​រុស្ស៊ី ហើយ​លោក​ប្តេជ្ញាចិត្ត​ថា​នឹង​ស្តារ​ទំនាក់ទំនង​ជាមួយ​រុស្ស៊ី​ឲ្យ​ខាងតែបាន​នៅពេលដែល​លោក​ចូលកាន់​តំណែង​។ លោក​រៀបចំ​គោលនយោបាយ​ខ្លះៗ​ដែល​អាច​ជំរុញ​ឲ្យ​រុស្ស៊ី និង​អាមេរិក​ត្រឡប់​ទៅ​ចាប់ដៃគ្នា​និង​សហការគ្នា​ដើម្បី​ដោះស្រាយ​បញ្ហា​ពិភពលោក​។ ក្នុងនោះ​មាន​ការដក​ទណ្ឌកម្ម និង​ទទួលស្គាល់​ទឹកដី Crimea ជា​ផ្នែក​មួយ​របស់​រុស្ស៊ី​ស្របច្បាប់​៕
 
 
Tag:
 ដូ​ណា​ល់ ត្រាំ​
  រុស្ស៊ី​
   រក្សាសិទ្ធិដោយ thmeythmey.com  
ព័ត៌មានដែលទាក់ទង
1 month - 15327
ផ្សាយ​ឡើងវិញសម្ភាសន៍
2 month - 2942
2 month - 2430
ព័ត៌មានចម្រុះ
3 hrs - 343
​លោកនាយក​រដ្ឋមន្ត្រី​ម៉ាឡេស៊ី ណា​ជីប រ៉ា​ហ្សា​ក់ នៅ​ថ្ងៃទី​១៦ មករា​នេះ បាន​ព្រលះ​មី​យ៉ាន់​ម៉ា​ជាថ្មី​ក្នុង​វេទិកា​ប្រទេស​ឥស្លាម​លើ​បញ្ហា​ជនជាតិភាគតិច​ម៉ូ​ស្លី​ម​រ៉ូ​ហ៊ីង​យ៉ា និង​ថែមទាំង​ទទូច​ឲ្យ​ប្រទេស​ឥស្លាម​ចូលរួម​គ្នា​ដើម្បី​បញ្ចប់​សកម្មភាព​ធ្វើ​ទុក​បុក​ម្នេញ​ពី​សំណាក់​អាជ្ញាធរ​មី​យ៉ាន់​ម៉ា​ទៅលើ​ក្រុម​នោះ​។ នេះ គឺ​សេចក្តីថ្លែងការណ៍​មិន​ពេញចិត្ត​របស់​នាយករដ្ឋមន្ត្រី​ម៉ាឡេស៊ី​ដែល​ធ្វើ​ឡើងជា​លើក​ទី​ពីរ​ហើយ​ទៅ​មិត្ត​អាស៊ាន​មី​យ៉ាន់​ម៉ា​នោះ​។
5 hrs - 3158
​ប្រធានាធិបតី​ផុត​អាណត្តិ បា​រ៉ា​ក់ អូ​បា​ម៉ា បាន​ជួប​ផ្តែរ​ផ្តាំ​អ្នកសារព័ត៌មាន​ប្រចាំ​សេត​វិមាន​ដែល​ធ្លាប់​បំពេញការងារ​អស់​រយៈពេល ៨​ឆ្នាំកន្លងមក​ជា​លើកចុងក្រោយ​នៅ​ថ្ងៃ​ពុធ​ទី ១៨ មករា​។លោក​បាន​ថ្លែងអំណរគុណ និង​ប្រាប់​អ្នកសារព័ត៌មាន​ទាំងនោះ​ថា ពួកគេ​បានធ្វើ​ឲ្យ​គ្រប់យ៉ាង​ប្រសើរឡើង ហើយ​ប្រជាជន​និង​ប្រជាធិបតេយ្យ​អាមេរិក​មិនអាច​ខ្វះ​ពួកគេ​បានឡើយ​។ លោក​បាន​ទទូច​ឲ្យ​អ្នកសារព័ត៌មាន​បន្តធ្វើ​កិច្ចការ​ឲ្យ​អស់ពី​សមត្ថភាព​ដើម្បី​ជំរុញ​ឲ្យ​អាមេរិក​ដើរទៅ​មុខ​ហើយ​លោក​ធានាថា គ្រប់យ៉ាង​នឹង​ល្អប្រសើរ​នៅពេល​ខាងមុខ​។
5 hrs - 522
​ប្រធានាធិបតី​ហ្វីលីពីន លោក រ៉ូ​ឌ្រី​ហ្គូ ឌើ​ទើ​តេ នឹង​បំពេញ​ទស្សនកិច្ច​ទៅកាន់​ចិន​ជាថ្មី​ម្តងទៀត​ដើម្បី​ចូលរួម​កិច្ចប្រជុំ​វេទិកា​នៃ​គំនិត​ផ្តួចផ្តើម​«​ខ្សែក្រវ៉ាត់​មួយ និង​វី​ថី​មួយ​» ។ តាមរយៈ​ដំណើរ​ទស្សនកិច្ច​នេះ លោក ឌើ​ទើ​តេ ក៏រ​ពឹង​ថា​នឹង​អាច​ជួប​ជាមួយនឹង​សម​ភាគី​ចិន លោក ស៊ី ជិន​ពីង​ជាថ្មីទៀត​ផងដែរ​។
6 hrs - 1069
​លោក​ប្រធានាធិបតី​អាមេរិក បា​រ៉ា​ក់ អូ​បា​ម៉ា បាន​ពន្យល់​អំពី​មូលហេតុ​នៃ​ការលើកលែងទោស​ដ៏​ភ្ញាក់ផ្អើល​ដល់​ការកាត់ទោស​ឲ្យ​ជាប់ពន្ធនាគារ​ដល់​អ្នក​វិភាគ​ស៊ើបការណ៍​សម្ងាត់​យោធា​ម្នាក់​ដែល​បានធ្វើ​ឲ្យ​បែកធ្លាយ​ឯកសារ​របស់​យោធា​។
9 hrs - 4588
​នៅសល់​មិន​ដល់​៤៨​ម៉ោង​ឡើយ លោក​បា​រ៉ា​ក់ អូ​បា​ម៉ា និង​ភរិយា​លោក​ស្រី្ត​ទីមួយ Michelle Obama រួមជាមួយ​បុត្រី​ទាំងពីរ​នឹង​ចាក​ចេញពី​សេត​វិមាន​ហើយ​។ លោកស្រី Michelle បាន​អរគុណ​ស្វាមី​លោកស្រី និង​បញ្ជាក់ថា លោកស្រី​មាន​កិត្តិយស​បំផុត​ដែល​បាន​ធ្វើជា​ស្ត្រី​ទីមួយ​។ 

19 Jan 2017