ត្រាំ ទទួលស្គាល់ថា រុស្ស៊ី​លួច​វាយប្រហារ​តាម​ប្រព័ន្ធ​អ៊ីនធឺណិត​ក្នុងពេល​បោះឆ្នោត​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
ត្រាំ ទទួលស្គាល់ថា រុស្ស៊ី​លួច​វាយប្រហារ​តាម​ប្រព័ន្ធ​អ៊ីនធឺណិត​ក្នុងពេល​បោះឆ្នោត​
អត្ថបទ : ថ្មីៗ       January-10-2017, 9:39 am         11817
រូបភាព
​ប្រធានាធិបតី​ជាប់ឆ្នោត​លោក ដូ​ណា​ល់ ត្រាំ ទទួលស្គាល់​ការសន្និដ្ឋាន​ចុងក្រោយ​របស់​បណ្តា​ក្រុម​ជំនាញ​ចារកម្ម​អាមេរិក​ដែល​អះអាងថា​រុស្ស៊ី​ពិតជា​ពាក់ព័ន្ធ​ការចូល​លូកលាន់​ក្នុង​ប្រព័ន្ធ​បោះឆ្នោត​អាមេរិក​កន្លងមក​។ ការផ្លាស់ប្តូរ​ជំហរ​នេះ​អាច​បណ្តា​មកពី​លោក​រង​សម្ពាធ​ខ្លាំង​ពី​បណ្តា​ក្រុម​អ្នក​សាធារណរដ្ឋ​កន្លងមក ស្របពេល​លោក​ជិត​ចូលកាន់​តំណែង​។
 
​នាយក​បុគ្គលិក​សេត​វិមាន​របស់លោក ដូ​ណា​ល់ ត្រាំ លោក Reince Priebus  បាន​អះអាង​ក្នុង​បទសម្ភាសន៍​ជាមួយ​សារព័ត៌មាន Fox News ថា ប្រធានាធិបតី​ជាប់ឆ្នោត​លោក ដូ​ណា​ល់ ត្រាំ ទទួលស្គាល់ថា រុស្ស៊ី​មាន​ជាប់​ពាក់ព័ន្ធ​ការ​លួច​វាយប្រហារ​តាម​ប្រព័ន្ធ​អ៊ី​ន​ធឺ​ណែ​ត​ក្នុងពេល​បោះឆ្នោត​កន្លងមក​។ 
 
​ប៉ុន្តែ​លោក​មិនបាន​បញ្ជាក់ថា ដូ​ណា​ល់ ត្រាំ ពិតជា​ទទួលស្គាល់ថា លោក វ្ល៉ា​ឌី​មៀ ពូ​ទីន​ជា​អ្នកបញ្ជា​ផ្ទាល់​នោះឡើយ​។ 
 
​លោក Reince Priebus បាន​បញ្ជាក់ថា​៖ «​គាត់​បាន​ទទួលស្គាល់ថា រឿង​វាយប្រហារ​តាម​អ៊ីនធឺណិត​នេះ​បង្កដោយ​នីតិបុគ្គល​មួយចំនួន​នៅ​រុស្ស៊ី​។ ដូច្នេះ​វា​មិនមែនជា​បញ្ហា​អ្វី​ឡើយ​»​។​
 
​នេះ​ជា​លើកដំបូង​បំផុត​ដែល​មន្ត្រីជាន់ខ្ពស់​នៃ​ក្រុម​អន្តរកាល​រដ្ឋបាល​លោក ដូ​ណា​ល់ ត្រាំ ទទួលស្គាល់​របាយការណ៍​ស៊ើបអង្កេត​របស់​ក្រុម​ចារកម្ម​អាមេរិក​ដែល​បញ្ជាក់ថា​រុស្ស៊ី​លួច​លូកលាន់​ចូលក្នុង​ដំណើរការ​បោះឆ្នោត​និង​លួច​ទម្លាយ​អ៊ី​ម៉ែ​ល​របស់​គណកម្មាធិការ​ជាតិ​នៃ​គណបក្ស​ប្រជាធិបតេយ្យ​នោះ​។  
 
​កាលពី​សប្តាហ៍​មុន របាយ​ការ​ចារកម្ម​អាមេរិក​អះអាងថា លោក វ្ល៉ា​ឌី​មៀ ពូ​ទីន មាន​ឥទ្ធិពល​ផ្ទាល់​លើ​ការបោះឆ្នោត​ដោយ​វាយប្រហារ​ប្រព័ន្ធ​បោះឆ្នោត​អាមេរិក​ហើយ​គាំទ្រ ដូ​ណា​ល់ ត្រាំ និង​ធ្វើ​ឲ្យ​លោកស្រី ហ៊ី​ឡា​រី គ្លី​ន​តុ​ន​ចាញ់​ប្រៀប​ទៅវិញ​។​.
 
​តាំងពីដើម​មក លោក ដូ​ណា​ល់ ត្រាំ តែងតែ​បដិសេធ​រាល់​ការចោទប្រកាន់ថា រុស្ស៊ី​នៅ​ពីក្រោយ​ការ​លូកលាន់​ក្នុងការ​បោះឆ្នោត​និង​ជួយ​ឲ្យ​លោក​ជាប់ឆ្នោត​ជា​ប្រធានាធិបតី​។ ហើយ​លោក​ថែមទាំង​ហ៊ាន​អះអាងថា មិនមែន​តែ​រុស្ស៊ី​ទេ សូម្បីតែ​ចិន​ក៏មាន​លួច​វាយប្រហារ​តាម​ប្រព័ន្ធ​អ៊ីនធឺណិត​ដែរ​។​
 
​តាមពិតទៅ​ការឈាន​ទៅ​ទទួលស្គាល់​របាយការណ៍​នេះ អាច​បណ្តាលមកពី​លោក ដូ​ណា​ល់ ត្រាំ ទទួលរង​សម្ពាធ​ខ្លាំង​ពី​បណ្តា​ក្រុម​អ្នកនយោបាយ​បក្ស​សាធារណរដ្ឋ​។ ពួកគេ​ជឿជាក់ថា រុស្ស៊ី​ពិតជា​នៅ​ពីក្រោយ​ការវាយប្រហារ​តាម​ប្រព័ន្ធ​អ៊ី​ន​ធឺ​ណែ​ត​នេះ​មែន ហើយ​គេ​ថែមទាំង​អំពាវនាវ​ឲ្យ​មានការ​ចាត់វិធានការ​ប្រឆាំង​រុស្ស៊ី​ថែម​ទៀតផង​។​
 
​ថ្វីបើ​មានការ​ផ្លាស់ប្តូរ​ជំហរ​ដោយ​ត្រឡប់​ទៅ​ទទួលស្គាល់ថា​រុស្ស៊ី​នៅ​ពីក្រោយ​បញ្ហា​នេះ​ក៏ដោយ គេ​មិន​រំពឹងថា​លោក ដូ​ណា​ល់ ត្រាំ នឹងមាន​វិធានការ​ណាមួយ​ឆ្លើយតប​រុស្ស៊ី​ឡើយ​។ គោលជំហរ​តែមួយគត់​របស់លោក ដូ​ណា​ល់ ត្រាំ គឺ​ធ្វើយ៉ាងណា​ពង្រឹង​ទំនាក់ទំនង​ជាមួយ​រុស្ស៊ី​ឲ្យ​កាន់តែ​ជិតស្និទ្ធ​និង​ដោះស្រាយ​បញ្ហា​ពិភពលោក​រួមគ្នា​៕
   រក្សាសិទ្ធិដោយ thmeythmey.com  
ព័ត៌មានចម្រុះ
2 hrs - 2417
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2014
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1037
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2961
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2318
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017