Duterte ព្រមាន​អភិបាលក្រុង​ពាក់ព័ន្ធ​គ្រឿងញៀន​ឲ្យ​លាលែង បើ​មិន​ចង់​ស្លាប់​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
Duterte ព្រមាន​អភិបាលក្រុង​ពាក់ព័ន្ធ​គ្រឿងញៀន​ឲ្យ​លាលែង បើ​មិន​ចង់​ស្លាប់​
អត្ថបទ : តន ចាន់​រិ​ទ្ធា​រ៉ា       January-10-2017, 1:33 pm         13949
រូបភាព
ប្រធានាធិបតី Rodrigo Duterte កាន់បញ្ជីឈ្មោះមន្ត្រីស៊ីវិលនិងប៉ូលិសជាប់ពាក់ព័ន្ធគ្រឿងញៀន (រូបថត Rappler)
ប្រធានាធិបតី Rodrigo Duterte កាន់បញ្ជីឈ្មោះមន្ត្រីស៊ីវិលនិងប៉ូលិសជាប់ពាក់ព័ន្ធគ្រឿងញៀន (រូបថត Rappler)
​ជាង​៦​ខែ​នៃ​យុទ្ធនាការ​បង្ក្រាប​គ្រឿងញៀន​ដែល​សម្លាប់​មនុស្ស​រាប់ពាន់​នាក់​មកហើយ​នោះ ប្រធានាធិបតី​ហ្វីលីពីន Rodrigo Duterte មិនបាន​បន្ធូរដៃ​ឡើយ​។ លោក​នៅតែ​ដាក់​បញ្ជា​ឲ្យ​បោសសម្អាត​ឧក្រិដ្ឋជន​គ្រឿងញៀន​ឲ្យ​អស់ពី​សង្គម​ហ្វីលីពីន​។ មិន​ត្រឹមតែ​ជន​ស៊ីវិល​ឡើយ សូម្បីតែ​មន្ត្រីជាន់ខ្ពស់​ថ្នាក់​អភិបាលក្រុង ក៏​ស្ថិតក្រោម​គោលដៅ​នៃ​យុទ្ធនាការ​នេះដែរ​។ លោក Duterte កំពុង​រៀបចំ​បញ្ជី​ឈ្មោះ​អភិបាលក្រុង​ជាប់​ពាក់ព័ន្ធ​គ្រឿងញៀន និង​បាន​ប្រាប់​ឲ្យ​ពួកគេ​លាលែង បើ​មិន​ចង់​អស់​ជីវិត​ទេនោះ​។​


​បុរស​ខ្លាំង​ហ្វីលីពីន Rodrigo Duterte បាន​បង្វែរ​គោលដៅ​ថ្មី​នៃ​យុទ្ធនាការ​បង្ក្រាប​គ្រឿងញៀន​របស់លោក គឺ​បណ្ដា​អភិបាលក្រុង​ដែលមាន​ឈ្មោះ​ក្នុង​បញ្ជី​ជនសង្ស័យ​គ្រឿងញៀន​។ លោក បាន​ព្រមាន​ខ្លាំងៗ​លើ​អភិបាលក្រុង​ដែល​ជាប់​ឈ្មោះ​ក្នុង​បញ្ជី​របស់លោក ហើយ​បាន​ប្រាប់​ពួកគេ​ឲ្យ​លាលែង​ពី​តំណែង និង​ត្រូវ​បញ្ឈប់​ជំនួញ​គ្រឿងញៀន​របស់​ពួកគេ បើ​ពួកគេ​ចង់​រក្សា​ជីវិត​ពួកគេ​រស់នៅ​លើ​ផែនដី​តទៅទៀត​។​

​ថ្លែង​ទៅកាន់​អ្នកចូលរួម​ក្នុង​ពិធី​ស្បថ​ចូលកាន់​តំណែង​មន្ត្រី​ជាង​២០០​នាក់​នៅ​ថ្ងៃទី​៩ ខែមករា លោក Duterte ព្រមាន​ធ្ងន់ៗ​ថា លោក​នឹង​ហៅ​អភិបាលក្រុង​ទាំងនោះ​មកជួប​លោក​ផ្ទាល់ ហើយ​លោក​នឹង​ប្រាប់​ពួកគេ​ពី​បញ្ជី​ឈ្មោះ​ដ៏​ក្រាស់​នៃ​អ្នក​ជាប់​ពាក់ព័ន្ធ​គ្រឿងញៀន និង​ឲ្យ​អភិបាលក្រុង​ទាំងនោះ​រក​ឈ្មោះ​ពួកគេ​។ លោក​បន្តថា ប្រសិនបើ​មានឈ្មោះ​ពួកគេ​ក្នុង​បញ្ជី​នេះ ពួកគេ​នឹងមាន​បញ្ហា​មិន​ខាន ហើយ​លោក​នឹង​សម្លាប់​ពួកគេ​តែម្ដង​។​

​ប្រធានាធិបតី​រូបនេះ​អះអាងថា លោក​សុខចិត្ត​ឲ្យ​ប្រវត្តិសាស្ត្រ​ចារ​ឈ្មោះ​របស់លោក «​ជា​ឃាតករ​»​។ លោក Duterte សង្កត់ធ្ងន់ថា ប្រសិនបើ​រូបលោក​ត្រូវគេ​ចងចាំ​ជា​អ្នក​សម្លាប់​មនុស្ស អ៊ីចឹង​ឲ្យ​វា​ទៅតាម​ដំណើរ​ទៅ​ចុះ​។ បើតាម​សារព័ត៌មាន Rappler លោក​ក៏​បញ្ជាក់ដែរថា ពួកគេ​អាច​លាលែង​ពី​តំណែង ឬក៏​ដកខ្លួន​ឲ្យ​បាន​ឆាប់​ពី​សកម្មភាព​ខុសច្បាប់រ​បស់​ពួកគេ ហើយ​បន្ទាប់ពីនោះ លោក​អាច​ពិភាក្សា​ជាមួយ​អភិបាលក្រុង​ទាំងនោះ​បាន​។​

​កន្លងមក ប្រធានាធិបតី Duterte ធ្លាប់​លើកឡើង​ពី​ការសង្ស័យ​របស់លោក​ចំពោះ​សកម្មភាព​របស់​បណ្ដា​អភិបាល​មួយចំនួន​ក្នុង​ជំនួញ​គ្រឿងញៀន​។ លោក​សង្ស័យថា អភិបាលក្រុង​ទាំងនោះ ប្រើប្រាស់​អំណាច​របស់​ពួកគេ​ក្នុងការ​តែងតាំង​មន្ត្រីប៉ូលិស​ក្នុង​ទីក្រុង​ដែល​ពួកគេ​គ្រប់គ្រង ដើម្បី​ធានាថា ប៉ូលិស​ទាំងនោះ មិន​រារាំង​សកម្មភាព​រកស៊ី​គ្រឿងញៀន​របស់​ពួកគេ​ឡើយ​។​

​ដោយសារ​រឿងនេះ លោក Duterte ក៏មាន​ផែនការ​ដកយក​អំណាច​ខ្លះ​ពី​អភិបាលក្រុង​ដែល​ជាប់​សង្ស័យ​ទាំងនោះ​។ លោក​បញ្ជាក់ថា លោក​នឹង​ដកយក​អំណាច​តែងតាំង​មេ​ប៉ូលិស​ប្រចាំ​ទីក្រុង បន្ទាប់មក​លោក​នឹង​បណ្ដេញចេញ​ក្រុម​សន្តិសុខ​ដែល​ការពារ​អភិបាលក្រុង​ទាំងនោះ ដ្បិត​ពួកគេ​ការពារ​មេ​កើយ​ពុករលួយ និង​ជួយ​មេ​កើយ​របស់​ពួកគេ​ក្នុងការ​បំភិតបំភ័យ​អ្នកដទៃ​៕

Tag:
 ហ្វីលីពីន​
  Rodrigo Duterte
  គ្រឿងញៀន​
   រក្សាសិទ្ធិដោយ thmeythmey.com  
ព័ត៌មានដែលទាក់ទង
2 month - 989
3 week - 1035
ថ្មីៗ៣នាទី
3 week - 1954
ព័ត៌មានចម្រុះ
2 hrs - 2408
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2011
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1037
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2961
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2317
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017