Subri ជា​កីឡា​ករបាល់​ទាត់​អាស៊ី​ទីមួយ ដែល​ឈ្នះ​ពាន Puskas Award
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


កីឡាអន្តរជាតិ, អន្តរជាតិ
Subri ជា​កីឡា​ករបាល់​ទាត់​អាស៊ី​ទីមួយ ដែល​ឈ្នះ​ពាន Puskas Award
អត្ថបទ : មុំ ពិទូរ្យ       January-10-2017, 8:19 pm         1178
រូបភាព
Mohd Faiz Subri ក្លាយជា​កីឡារ​បាល់ទាត់​របស់​អា​ស៊ី​ដំបូង​បំផុត​ដែល​បានឈ្នះ​ពាន FIFA Puskas Award 2016 (​គ្រាប់​បាល់ទាត់​បញ្ចូល​ទី​ល្អ​ដាច់​គេ​ក្នុង​លោក​ប្រចាំឆ្នាំ​២០១៦) តាមរយៈ​ការបោះឆ្នោត​តាម​អន​ឡាញ​របស់​ក្រុម​អ្នកគាំទ្រ​នៅលើ​ពិភពលោក​។


​នា​ពិធី​ចែក​រង្វាន់ The Best FIFA Football Awards នៅ​ថ្ងៃទី​៩ ខែមករា នៅក្នុង​ទីក្រុង​ហ្សួ​រិច ប្រទេស​ស្វី​ស សហព័ន្ធ​កីឡាបាល់ទាត់​អន្តរជាតិ (FIFA) បានផ្តល់​ឱកាស​ដល់​អ្ន​ក​គាំទ្រ​បន្ត​សម្រេចចិត្ត​បោះឆ្នោត​ជ្រើសរើស​គ្រាប់​បាល់​បញ្ចូល​ទី​ឆ្នើម​ប្រចាំឆ្នាំ​រហូតដល់​នាទីចុងក្រោយ មុននឹង​ប្រកាស​រង្វាន់​។ លទ្ធផល​បាន​បង្ហាញថា កីឡាករ​ម៉ាឡេស៊ី Mohd Faiz Subri ទទួលបាន​សំឡេងគាំទ្រ ៥៩,៤៦​ភាគរយ ដោយ​នាំមុខ​កីឡាករ​ប្រេ​ស៊ី​ល Marlone (២២,៨៦​ភាគរយ​) និង​កីឡាការិនី​វេ​ណេ​ស៊ុយ​អេ​ឡា Daniuska Rodriguez (១០,០១​ភាគរយ​)​។​



​ខ្សែប្រយុទ្ធ​វ័យ​២៩​ឆ្នាំ​បស់​ក្លិប Penang FA រូបនេះ មាន​គ្រាប់​បាល់​ពិន័យ​ចំងាយ​ឆ្ងាយ (Free Kick) ដ៏​អស្ចារ្យ ដែល​ទាត់​ចេញពី​ស្លាប​ខាងឆ្វេង​នៃ​ទីលាន នា​ការប្រកួត​ក្នុង​ក្របខណ្ឌ​កំពូល​របស់​ម៉ាឡេស៊ី Malaysia Super League រវាង​ក្រុម Penang FA ជាមួយ​ក្រុម Pahang FA កាលពី​ឆ្នាំ​២០១៦ កន្លងទៅ​។

Subri បាន​ក្លាយជា​កីឡាករ​អាស៊ី​ទីមួយ​ដែល​ឈ្នះ​ពាន Puskas​។ កីឡាករ​ដែល​ឈ្នះ​កន្លងមក​រួមមាន Cristiano Ronaldo (​ឆ្នាំ ២០០៩) Hamit Altintop កាល​លេង​នៅ Bayern Munich (​ឆ្នាំ​២០១០) Neymar របស់ Barcelona (​ឆ្នាំ​២០១១) កីឡាករ Miroslav Stoch នៃ​ក្លិប Fenerbahce (​ឆ្នាំ​២០១២)  ខ្សែប្រយុទ្ធ​ឆ្នើម​របស់​បិសាច​ក្រហម​បច្ចុប្បន្ន Zlatan Ibrahimovic ធ្លាប់​ឈ្នះ​កាលពី​ឆ្នាំ​២០១៣  James Rodriguez របស់ Real Madrid ទទួលបាន​នៅ​ឆ្នាំ​២០១៤, និង Wendell Lira អតីត​ខ្សែប្រយុទ្ធ​សញ្ជាតិ​ប្រេ​ស៊ី​ល​ទទួលបាន​កាលពី​ឆ្នាំ​២០១៥៕

 
​ទស្សនា​វីដេអូ​





Tag:
 FIFA Puskas Award
  Mohd Faiz Subri
  Best FIFA Player
   រក្សាសិទ្ធិដោយ thmeythmey.com  
ព័ត៌មានដែលទាក់ទង
ព័ត៌មានចម្រុះ
2 hrs - 2431
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2018
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1037
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2962
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2319
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017