ប្រធាន​ក្រុម គ្រូបង្វឹក និង​អ្នកកាសែត​កម្ពុជា​បោះ​ឲ្យ​អ្នកណា​សម្រាប់ Best FIFA Awards?
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


កីឡាអន្តរជាតិ, អន្តរជាតិ
ប្រធាន​ក្រុម គ្រូបង្វឹក និង​អ្នកកាសែត​កម្ពុជា​បោះ​ឲ្យ​អ្នកណា​សម្រាប់ Best FIFA Awards?
អត្ថបទ : មុំ ពិទូរ្យ       January-10-2017, 9:59 pm         667
រូបភាព
​សហព័ន្ធ​កីឡាបាល់ទាត់​អន្តរជាតិ (FIFA) កាលពី​ថ្ងៃទី​៩ ខែមករា ឆ្នាំ​២០១៧ បានរៀបចំ​ពិធី​ផ្តល់រ​ង្វាន់ The Best FIFA Football Awards សម្រាប់​អ្នក​ដែល​លេចធ្លោ​បំផុត​ក្នុង​សកម្មភាព​បាល់ទាត់​នា​រយៈពេល​១២​ខែ​កន្លងមក​។ ព្រឹត្តិការណ៍​អាច​ចាត់ទុកជា​ទំព័រ​ថ្មី បន្ទាប់ពី FIFA និង​ទស្សនា​វ​ដ្តី​បារាំង France Football បញ្ចប់​កិច្ចព្រមព្រៀង​លើ​ការផ្តល់​ពានរង្វាន់ FIFA Ballon d’Or ។ ស្ថាប័ន​ទាំងពីរ​សម្រេច​រៀបចំ​ពានរង្វាន់​ដាច់ដោយឡែក ដោយ FIFA ទទួលបន្ទុក​រៀបចំ The Best FIFA Football Awards រីឯ​ទស្សនា​វ​ដ្តី​បារាំង​រៀបចំ Ballon d’Or​។​


​សម្រាប់​ពានរង្វាន់ The Best FIFA Football Awards ប្រធាន​ក្រុម​ជម្រើសជាតិ​បុរស​-​នារី គ្រូបង្វឹក​បុរស​-​នារី និង​អ្នកកាសែត​មួយចំនួន ត្រូវបាន​ជ្រើសរើស​ឲ្យ​បោះឆ្នោត ដោយ​៥​ពិន្ទុ​ចំពោះ​ជម្រើស​ទី​១ ៣​ពិន្ទុ​ចំពោះ​ជម្រើស​ទី​២ និង​១​ពិន្ទុ​ចំពោះ​ជម្រើស​ទី​៣ ។​

​នៅ​កម្ពុជា ពានរង្វាន់​កីឡាករ​ឆ្នើម និង​គ្រូបង្វឹក​ឆ្នើម​ផ្នែក​បុរស មានការ​រួមចំណែក​ពី​អ្នកចាំទី អ៊ុំ សេរី​រ័ត្ន នៃ​ក្លិប​ក្រសួងការពារជាតិ ដែលជា​ប្រធាន​ក្រុម​ជម្រើសជាតិ និង​គ្រូបង្វឹក​កូរ៉េខាងត្បូង Lee Tae Hoon​។ ផ្នែក​នារី មានការ​ចូលរួម​ពី​សំណាក់ លោក មាស សំអឿន ដែល​គ្រូបង្វឹក​ជម្រើសជាតិ​នារី​កម្ពុជា និង​កញ្ញា ញ៉ ស្រី​ណែ​ត ដែលជា​ប្រធាន​ក្រុម ។ លោក អ៊ឹង ចំរើន និពន្ធ​នាយក​សារព័ត៌មាន​ថ្មីៗ ដែល​តំណាង​ឲ្យ​អ្នកកាសែត​កម្ពុជា បាន​បោះឆ្នោត​ទាំង​ផ្នែក​បុរស និង​នារី​។​

​ពាន The Best FIFA Men’s Player 2016: Cristiano Ronaldo
Cristiano Ronaldo បាន​សំឡេងគាំទ្រ​សរុប ៣៤,៥៤​ភាគរយ ដោយ​នាំមុខ Lionel Messi (២៦,៤២​ភាគរយ​) និង Antoine Greizmann (៧,៥៣​ភាគរយ​)​។ Ronaldo ទទួលបាន​១០​ពិន្ទុ​ពី​កម្ពុជា ដោយ​កីឡាករ អ៊ុំ សេរី​រ័ត្ន និង​លោក អ៊ឹង ចំរើន ដាក់​ក្នុង​ជម្រើស​ទី​១ ខណៈ Messi ស្ថិតក្នុង​ជម្រើស​ទី​១​របស់ លោក Lee Tae Hoon និង​ជា​ជម្រើស​ទី​ពីរ​របស់ សេរី​រ័ត្ន​។ កីឡាករ Top 3 Antoine Griezmann ក៏​ទទួលបាន​១​ពិន្ទុ​ផងដែរ​ពី​លោក ចំរើន​។​








​ពាន  The Best FIFA Men’s Coach 2016: Claudio Ranieri
​លោក Claudio Ranieri បាន​សំឡេងគាំទ្រ ២២,៦​ភាគរយ លោក Zinedine Zidane បាន​១៦,៥៦​ភាគរយ និង​លោក Fernando Santos បាន​១៦,២៤​ភាគរយ​។ គ្រូបង្វឹក​ក្លិប Leicester លោក Claudio Ranieri បាន​៥​ពិន្ទុ ពី​លោក អ៊ឹង ចំរើន​។ លោក Zinedine Zidane ដែល​ស្ថិតក្នុង​គ្រូបង្វឹក Top 3 បាន​៥​ពិន្ទុ​ពី អ៊ុំ សេរី​រ័ត្ន លោក Fernando Santos បាន​៣​ពិន្ទុ​ពី​លោក ចំរើន ខណៈ​លោក Lee ជ្រើសរើស​គ្រូបង្វឹក​ផ្សេង​ក្រៅពី Top 3​។​








​ពាន The Best FIFA Women’s Player 2016: Carli Lloyd
​កីឡាការិនី Carli Lloyd បាន​សំឡេងគាំទ្រ ២០,៦៨​ភាគរយ Marta បាន​១៦,៦០​ភាគរយ និង Melanie Behringer បាន​១២,៣៤​ភាគរយ​។ ម្ចាស់​ពាន Carli Lloyd បាន​១​ពិន្ទុ​ប៉ុណ្ណោះ​ពី​កម្ពុជា ដែល​ផ្តល់​ដោយ​កញ្ញា ញ៉ ស្រី​ណែ​ត ខណៈ Melanie Behringer បាន​១​ពិន្ទុ​ផងដែរ​ពី​លោក មាស សំអឿន​។ លោក ចំរើន មាន​ជម្រើស​ក្រៅពី Top 3 ។​








​ពាន  The Best FIFA Women’s Coach 2016: Silvia Neid
​អ្នកស្រី Silvia Neid បាន​២៩,៩៩​ភាគរយ Jill Ellis បាន​១៦,៦៨​ភាគរយ និង Pia Sundhage បាន​១៦,៤៧​ភាគរយ​។ Silvia Neid, Pia Sundhage ជា​ជម្រើស​ទី​ពីរ និង​ទី​បី​របស់ កញ្ញា ស្រី​ណែ​ត និង​លោក ចំរើន ខណៈ​លោកគ្រូ សំអឿន បានផ្តល់​៣​ពិន្ទុ​ដល់ Jill Ellis៕








Tag:
 The Best FIFA Football Awards
   រក្សាសិទ្ធិដោយ thmeythmey.com  
ព័ត៌មានដែលទាក់ទង
ព័ត៌មានចម្រុះ
3 hrs - 343
​លោកនាយក​រដ្ឋមន្ត្រី​ម៉ាឡេស៊ី ណា​ជីប រ៉ា​ហ្សា​ក់ នៅ​ថ្ងៃទី​១៦ មករា​នេះ បាន​ព្រលះ​មី​យ៉ាន់​ម៉ា​ជាថ្មី​ក្នុង​វេទិកា​ប្រទេស​ឥស្លាម​លើ​បញ្ហា​ជនជាតិភាគតិច​ម៉ូ​ស្លី​ម​រ៉ូ​ហ៊ីង​យ៉ា និង​ថែមទាំង​ទទូច​ឲ្យ​ប្រទេស​ឥស្លាម​ចូលរួម​គ្នា​ដើម្បី​បញ្ចប់​សកម្មភាព​ធ្វើ​ទុក​បុក​ម្នេញ​ពី​សំណាក់​អាជ្ញាធរ​មី​យ៉ាន់​ម៉ា​ទៅលើ​ក្រុម​នោះ​។ នេះ គឺ​សេចក្តីថ្លែងការណ៍​មិន​ពេញចិត្ត​របស់​នាយករដ្ឋមន្ត្រី​ម៉ាឡេស៊ី​ដែល​ធ្វើ​ឡើងជា​លើក​ទី​ពីរ​ហើយ​ទៅ​មិត្ត​អាស៊ាន​មី​យ៉ាន់​ម៉ា​នោះ​។
5 hrs - 3158
​ប្រធានាធិបតី​ផុត​អាណត្តិ បា​រ៉ា​ក់ អូ​បា​ម៉ា បាន​ជួប​ផ្តែរ​ផ្តាំ​អ្នកសារព័ត៌មាន​ប្រចាំ​សេត​វិមាន​ដែល​ធ្លាប់​បំពេញការងារ​អស់​រយៈពេល ៨​ឆ្នាំកន្លងមក​ជា​លើកចុងក្រោយ​នៅ​ថ្ងៃ​ពុធ​ទី ១៨ មករា​។លោក​បាន​ថ្លែងអំណរគុណ និង​ប្រាប់​អ្នកសារព័ត៌មាន​ទាំងនោះ​ថា ពួកគេ​បានធ្វើ​ឲ្យ​គ្រប់យ៉ាង​ប្រសើរឡើង ហើយ​ប្រជាជន​និង​ប្រជាធិបតេយ្យ​អាមេរិក​មិនអាច​ខ្វះ​ពួកគេ​បានឡើយ​។ លោក​បាន​ទទូច​ឲ្យ​អ្នកសារព័ត៌មាន​បន្តធ្វើ​កិច្ចការ​ឲ្យ​អស់ពី​សមត្ថភាព​ដើម្បី​ជំរុញ​ឲ្យ​អាមេរិក​ដើរទៅ​មុខ​ហើយ​លោក​ធានាថា គ្រប់យ៉ាង​នឹង​ល្អប្រសើរ​នៅពេល​ខាងមុខ​។
5 hrs - 522
​ប្រធានាធិបតី​ហ្វីលីពីន លោក រ៉ូ​ឌ្រី​ហ្គូ ឌើ​ទើ​តេ នឹង​បំពេញ​ទស្សនកិច្ច​ទៅកាន់​ចិន​ជាថ្មី​ម្តងទៀត​ដើម្បី​ចូលរួម​កិច្ចប្រជុំ​វេទិកា​នៃ​គំនិត​ផ្តួចផ្តើម​«​ខ្សែក្រវ៉ាត់​មួយ និង​វី​ថី​មួយ​» ។ តាមរយៈ​ដំណើរ​ទស្សនកិច្ច​នេះ លោក ឌើ​ទើ​តេ ក៏រ​ពឹង​ថា​នឹង​អាច​ជួប​ជាមួយនឹង​សម​ភាគី​ចិន លោក ស៊ី ជិន​ពីង​ជាថ្មីទៀត​ផងដែរ​។
6 hrs - 1069
​លោក​ប្រធានាធិបតី​អាមេរិក បា​រ៉ា​ក់ អូ​បា​ម៉ា បាន​ពន្យល់​អំពី​មូលហេតុ​នៃ​ការលើកលែងទោស​ដ៏​ភ្ញាក់ផ្អើល​ដល់​ការកាត់ទោស​ឲ្យ​ជាប់ពន្ធនាគារ​ដល់​អ្នក​វិភាគ​ស៊ើបការណ៍​សម្ងាត់​យោធា​ម្នាក់​ដែល​បានធ្វើ​ឲ្យ​បែកធ្លាយ​ឯកសារ​របស់​យោធា​។
9 hrs - 4588
​នៅសល់​មិន​ដល់​៤៨​ម៉ោង​ឡើយ លោក​បា​រ៉ា​ក់ អូ​បា​ម៉ា និង​ភរិយា​លោក​ស្រី្ត​ទីមួយ Michelle Obama រួមជាមួយ​បុត្រី​ទាំងពីរ​នឹង​ចាក​ចេញពី​សេត​វិមាន​ហើយ​។ លោកស្រី Michelle បាន​អរគុណ​ស្វាមី​លោកស្រី និង​បញ្ជាក់ថា លោកស្រី​មាន​កិត្តិយស​បំផុត​ដែល​បាន​ធ្វើជា​ស្ត្រី​ទីមួយ​។ 

19 Jan 2017