ជប៉ុន ដុតដៃដុតជើង​ប្រមែប្រមូល​ព័ត៌មាន​ពី​ផែនការ​សាកល្បង​បាញ់​មី​ស៊ី​ល​កូរ៉េខាងជើង​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
ជប៉ុន ដុតដៃដុតជើង​ប្រមែប្រមូល​ព័ត៌មាន​ពី​ផែនការ​សាកល្បង​បាញ់​មី​ស៊ី​ល​កូរ៉េខាងជើង​
អត្ថបទ : ថ្មីៗ       January-11-2017, 7:39 am         1926
រូបភាព
 
​ដូច​សព្វមួយដង ជប៉ុន ដែលមាន​ភូមិសាស្ត្រ​ជិតបង្កើយ​នឹង​កូរ៉េខាងជើង​នោះ មិន​បណ្តែតបណ្តោយ​ឲ្យ​សន្តិសុខ​របស់ខ្លួន​ត្រូវ​រង​ការគំរាមកំហែង​ដោយ​ងាយៗ​តាមរយៈ​ការបាញ់​សាកល្បង​មី​ស៊ី​ល​របស់​កូរ៉េខាងជើង​ឡើយ​។ ឆ្លើយតប​នឹង​របាយការណ៍​ចុងក្រោយ​នៃ​ផែនការ​បាញ់​សាកល្បង​មី​ស៊ី​ល​របស់​កូរ៉េខាងជើង ជប៉ុន ក៏​កំពុងតែ​ប្រមែ​ល​ប្រមូល​ព័ត៌មាន​ពាក់ព័ន្ធ ដើម្បី​រៀបចំ​វិធានការ​ទប់ស្កាត់​វិញ​ផងដែរ​។
 
​នាយខុទ្ទកាល័យ​រដ្ឋាភិបាល​ជប៉ុន លោក Yoshihide Suga នៅ​ថ្ងៃទី​១០ មករា បាន​ថ្លែង​ក្នុង​សន្និសីទ​សារព័ត៌​ថា រដ្ឋាភិបាល​ក្រុង​តូ​ក្យូ បាននិងកំពុង​តែ​រិះរក​គ្រប់​មធ្យោបាយ​ដើម្បី​តបត ក៏ដូចជា តាមឃ្លាំមើល​ឥរិយាបថ​របស់​កូរ៉េខាងជើង​ដើម្បី​វាយតម្លៃ​ពី​ស្ថានភាព​ដែល​អាច​បង្កឡើង​ដោយ​កូរ៉េខាងជើង​។ នេះ​បើ​យោងតាម​ការចុះផ្សាយ​រប​ស់​ភ្នាក់ងារ​ព័ត៌មាន Reuters​។ 
 
​សូម​រម្លឹក​ផងដែរ​ថា នៅ​ថ្ងៃទី​០៨ មករា កន្លងទៅ អ្នកនាំពាក្យ​ក្រសួងការបរទេស​កូរ៉េខាងជើង​ដែល​មិន​បញ្ចេញ​ឈ្មោះ​ម្នាក់ បាន​និយាយថា ក្រុង​ព្យុងយ៉ាង បាន​អភិវឌ្ឍ​ក្បាល​គ្រាប់​នុយក្លេអ៊ែរ​ស្តង់ដា​រួចហើយ​ដែរ​។ អ្នកនាំពាក្យ​នោះ បាន​បន្ទោស​អាមេរិក​ថា បាន​បន្តសកម្មភាព​បង្កហេតុ​មកលើ​ខ្លួន ហើយ​រឿងនេះ​ជា​មូល​ហេតុដែល​បង្ខំ​ខ្លួន​ឲ្យ​អភិវឌ្ឍ​អាវុធ​នោះ​។​
 
​អ្វី​គួរកត់សម្គាល់​នោះ ការប្រកាស​ខាងលើនេះ ធ្វើឡើង​ក្រោយពេល​មេដឹកនាំ​កំពូល គីម ជុង​អ៊ុន ប្រកាសថា កូរ៉េខាងជើង បាន​មកដល់​ដំណាក់កាល​ចុងក្រោយ​នៃ​ការរៀបចំ​សាកល្បង​មី​ស៊ី​ល​អន្តរទ្វីប (ICBM) ។ ប្រសិនបើ​សាកល្បង​ជោគជ័យ មី​ស៊ី​ល​អន្តរទ្វីប​នេះ មាន​សមត្ថភាព​បាញ់​ដល់​ទឹកដី​អាមេរិក ដែលមាន​ចម្ងាយ​ជាង​៩​ពាន់​គីឡូម៉ែត្រ​ពី​កូរ៉េខាងជើង​។ មី​ស៊ី​ល​ប្រភេទ​នេះ អាច​បាញ់​គោលដៅ​ក្នុង​រង្វង់​អ​ប្បរមា​៥​ពាន់​គីឡូម៉ែត្រ និង​អាច​បង្កើន​សមត្ថភាព​វាយប្រហារ​គោលដៅ​ចម្ងាយ​លើស​មួយ​ម៉ឺន​គីឡូម៉ែត្រ​ផងដែរ​។   
 
​ដូច​សព្វមួយដង​អាមេរិក ដែលជា​អាណាព្យាបាល​សន្តិសុខ​រប​ស់ជ​ប៉ុន និង​កូរ៉េខាងត្បូង មិន​បណ្តែតបណ្តោយ​ឲ្យ​កូរ៉េខាងជើង ធ្វើតាម​ចិត្ត​ឡើយ​។ រដ្ឋមន្ត្រី​ការពារជាតិ​អាមេរិក Ashton Carter នៅ​ថ្ងៃទី​៨ មករា​កន្លងទៅ បាន​អះអាងថា អាមេរិក​នឹង​បាញ់​ទម្លាក់​មី​ស៊ី​ល​កូរ៉េខាងជើង​ដែល​ហោះ​សំដៅ​ទឹកដី​អាមេរិក​។ ក្នុង​កិច្ចសម្ភាសន៍​មួយ​ជាមួយ​សារព័ត៌មាន NBC ប្រមុខ​ការពារជាតិ​អាមេរិក​រូបនេះ​បញ្ជាក់ថា អាមេរិក នឹង​បាញ់​ទម្លាក់​មី​ស៊ី​ល​ដែល​បាញ់​ដោយ​កូរ៉េខាងជើង ក្នុងករណី​មី​ស៊ី​ល​នោះ បាញ់​តម្រង់​មកកាន់​អាមេរិក ឬ​ទឹកដី​របស់​សម្ព័ន្ធមិត្ត​អាមេរិក​។​
 
​លោក Carter សង្កត់ធ្ងន់ថា អាមេរិក​បាញ់​ទម្លាក់​មី​ស៊ី​ល​ណា​ដែល​ជាការ​គំរាម​សន្តិសុខ​អាមេរិក និង​សម្ព័ន្ធមិត្ត​ប៉ុណ្ណោះ​។ តែបើ​មី​ស៊ី​ល​កូរ៉េខាងជើង បាញ់​តម្រង់​ចូល​សមុទ្រ​នោះ ក្រុង​វ៉ាស៊ីនតោន នឹងមិន​បាញ់​ស្កាត់​អ្វី​ឡើយ​។ គេ​មិនទាន់​ដឹង​ទេ​ថា កូរ៉េខាងជើង នឹង​បាញ់​សាកល្បង​មី​ស៊ី​ល​របស់​ខ្លូន​នៅពេលណា​ឡើយ ប៉ុន្តែ​បើតាម​ព័ត៌មាន​លេច​ធ្លាយ​កន្លងមក កូរ៉េខាងជើង ទំនងជា​បាញ់​មី​ស៊ី​ល ពេល ប្រធានាធិបតី ដូ​ណា​ល់ ត្រាំ ស្បថ​ចូលកាន់​តំណែង​៕
Tag:
 ជប៉ុន​
  កូរ៉េខាងជើង​
   រក្សាសិទ្ធិដោយ thmeythmey.com  
ព័ត៌មានដែលទាក់ទង
2 month - 900
2 month - 6243
2 week - 13431
ព័ត៌មានចម្រុះ
2 hrs - 2372
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2008
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1037
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2961
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2314
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017