ព្រោះ​រវល់​ប្រលង កូនស្រី​ពៅ​លោក​អូ​បា​ម៉ា​អវត្តមាន​ក្នុង​សុន្ទរកថា​ចុងក្រោយ​របស់​ឪពុក​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
ព្រោះ​រវល់​ប្រលង កូនស្រី​ពៅ​លោក​អូ​បា​ម៉ា​អវត្តមាន​ក្នុង​សុន្ទរកថា​ចុងក្រោយ​របស់​ឪពុក​
អត្ថបទ : ថ្មីៗ       January-11-2017, 9:33 pm         4566
រូបភាព
 ក្នុងពេល​ថ្លែង​សុន្ទរកថា​ចុងក្រោយ​មុន​ចាក​ចេញពី​តំណែង​របស់លោក បា​រ៉ា​ក់ អូ​បា​ម៉ា គេ​ឃើញ​មាន​វត្តមាន​អនុ​ប្រធានាធិបតី Joe Biden និង​ភរិយា រួមជាមួយ​ស្ត្រី​ទីមួយ និង​កូន​ស្ត្រី​ច្បង​របស់លោក Malia​។ គ្មាន​ឡើយ​វត្តមាន​កូនស្រី​ពៅ​របស់លោក Sasha ព្រោះ​នាង​រវល់​ប្រលង​។ 


​លោក បា​រ៉ា​ក់ អូ​បា​ម៉ា បាន​កោតសរសើរ​កូនស្រី​របស់លោក​ទាំងពី​រ​ក្នុងពេល​លោក​ផ្តល់​សុន្ទរកថា​ចុងក្រោយ​ក្នុងនាម​ជា​ប្រធានាធិបតី ។ ប្រធានាធិបតី​ជិត​ផុត​អាណត្តិ​រូបនេះ​បាន​លោក​បាន​អះអាងថា​លោក មាន​មោទនភាព​ដែលមាន​កូនស្រី​ទាំងពីរ​។​
 
​យ៉ាងណាក៏ដោយ អ្វីដែល​គេ​ឆ្ងល់​នោះ​គឺ​ក្នុង​ពិធី​ដ៏​សំខាន់​នេះ​មានតែ​កូនស្រី​ច្បង​របស់លោក​នាង Malia ប៉ុណ្ណោះ​ដែល​ចូលរួម​។ កូនស្រី​ពៅ​នាង Sasha មិនមាន​វត្តមាន​ក្នុង​កម្មវិធី​នេះឡើយ​។​
​បើតាម​មន្ត្រីជាន់ខ្ពស់​សេត​វិមាន​អាមេរិក ដែល​ស្រង់​សម្តី​ដោយសារ​ព័ត៌មាន CNN កូនស្រី​ពៅ Sasha មិន​អាចមក​ស្តាប់​សុន្ទរកថា​ចុងក្រោយ​របស់​ឪពុក​របស់ខ្លួន​មកពី​នាង​ជាប់រវល់​ប្រលង​នៅពេល​ព្រឹក​។  បច្ចុប្បន្ននេះ Sasha មាន​វ័យ ១៥​ឆ្នាំ​ហើយ​។ នាង​ជា​សិស្ស​ដែល​រៀន​នៅ​សាលា​ឯកជន​មួយ​ក្រុង វ៉ាស៊ីនតោន «Sidwell Friends»​។
​ត្រឡប់មកវិញ លោក​បាន​ថ្លែង​កោតសរសើរ​កូនស្រី​របស់លោក ដូច្នេះ​ថា​៖ «Malia និង Sasha ពេល​រស់នៅ​ក្រោម​ស្ថានភាព​ពិសេស​នេះ អ្នកនឹង​ក្លាយជា​ស្ត្រី​វ័យក្មេង​ដ៏​អស្ចារ្យ​នៅពេល​ខាងមុខ​។ អ្នក​ឆ្លាត​ហើយ​ស្អាត ប៉ុន្តែ​អ្វីដែល​សំខាន់​អ្នកមាន​សណ្តាន​ចិត្ត​និង​គិត​បាន​ជ្រៅជ្រះ​។ ក្នុងចំណោម​អ្វីដែល​ខ្ញុំ​សម្រេចបាន​ក្នុង​ជីវិត គឺ​ខ្ញុំ​មាន​មោទនភាព  ដែលមាន​ធ្វើជា​ឪពុក​របស់​អ្នក​»​។​
 
​ក្រៅពី​សរសើរ​កូនស្រី ក្នុង​សុន្ទរកថា​ចុងក្រោយ លោក បា​រ៉ា​ក់ អូ​បា​ម៉ា បាន​អរគុណ​មិត្ត​រួមការ​ងារ និង​ភរិយា​របស់លោក​ដែល​ជួយ​គាំទ្រ​និង​ជ្រោមជ្រែង​លោក​គ្រប់​កាលៈទេសៈ​កន្លងមក​។ ហើយ​លោក​ក៏​ឆ្លៀតឱកាស​លា​ប្រជាជន​អាមេរិក​ទាំងអស់គ្នា​ផងដែរ មុនពេល​លោក​ផ្ទេរអំណាច​ឲ្យ​ប្រធានាធិបតី ដូ​ណា​ល់ ត្រាំ​៕ 
 
 
   រក្សាសិទ្ធិដោយ thmeythmey.com  
ព័ត៌មានចម្រុះ
2 hrs - 2365
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2005
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1035
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2958
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2313
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017