English-Français
យ៉ានតាមដងផ្លូវ
ទេព រិទ្ធីវិត អ្នករុញតិន្នីសខ្មែរទៅលើឆាកអន្តរជាតិ
× ទេព រិទ្ធីវិត ដែលជាអតីតកីឡាករវាយកូនបាល់នៅប្រទេសកាណាដា បានសម្រេចចិត្តត្រឡប់មកប្រទេសកំណើតវិញក្នុងសម័យអ៊ុនតាក់។ ត្រឡប់មកកម្ពុជាវិញគឺជាគោលបំណងទីមួយ បន្ទាប់គឺរកឱកាសធ្វើជំនួញ។ ប៉ុន្តែគោលបំណងទី៣ចុងក្រោយ ដែលកំពុងយកពេលវេលាជាច្រើនរបស់ រិទ្ធីវិត គឺការបង្ហាត់កូនខ្មែរឲ្យលេងកូនបាល់ ឲ្យដល់កម្រិតនៃការទទួលស្គាល់ជាអន្តរជាតិ។ ក្នុងនាមជាអគ្គលេខាធិការនៃសហព័ន្ធវាយកូនបាល់កម្ពុជា ទេព រិទ្ធីវិត ដែលជាកូនប្រុសអតីតជើងឯកកីឡាករវាយកូនបាល់កម្ពុជាក្នុងទសវត្សរ៍១៩៦០ ទេព ឃុនណា បានខិតខំដឹកនាំសហព័ន្ធកីឡាវាយកូនបាល់ រហូតដល់ក្លាយជាសហព័ន្ធគំរូមួយក្នុងគណៈកម្មាធិការជាតិអូឡាំពិក។ សហព័ន្ធកីឡាវាយកូនបាល់ត្រូវបានទទួលស្គាល់ថា ជាសហព័ន្ធដែលរីកចម្រើនខ្លាំងនៅអាស៊ីអាគ្នេយ៍។ នៅក្នុងខែមេសាខាងមុខនេះ សហព័ន្ធកីឡាវាយកូនបាល់កម្ពុជានឹងចូលរួមប្រកួត Davis Cup នៅប្រទេសបារ៉ែន ដែលជាព្រឹត្តិការណ៍កីឡាអន្តរជាតិដ៏ធំបន្ទាប់ពីព្រឹត្តិការណ៍អូឡាំពិក។
សូមលោកអ្នកស្តាប់បទសម្ភាសន៍ជាភាសាបារាំងខាងក្រោមនេះ
Tag:
ទេព រិទ្ធីវិត
កីឡាវាយកូនបាល់ Tennis Tep Rithyvit
© រក្សាសិទ្ធិដោយ thmeythmey.com