ពីនេះ ពីនោះ
ព័ត៍មានសុខភាព
មានជំងឺផ្តាសាយ ចូរព្យាយាមធ្វើរឿងទាំងនេះទៅ នឹងជាដូចគេបេះអញ្ចឹង
× ជំងឺផ្តាសាយ គឺជាការបង្ករោគដោយវីរុសនៅក្នុងច្រមុះ និងបំពង់ក។ វាច្រើនតែគ្មានអ្វីគ្រោះថ្នាក់ឡើយ គ្រាន់តែធ្វើឲ្យមានអារម្មណ៍មិនសូវល្អនឹងវាប៉ុណ្ណោះ។ មានវិរុសច្រើនប្រភេទណាស់ដែលអាចបណ្តាលឲ្យកើតជំងឺផ្តាសាយនេះ។
ចំពោះក្មេងៗអាយុតិចជាង ៦ឆ្នាំ គឺប្រឈមខ្លាំងបំផុតនឹងជំងឺនេះ ប៉ុន្តែសម្រាប់មនុស្សធំដែលមានសុខភាពល្អហើយក៏អាចនឹងកើតជំងឺផ្តាសាយនេះពីរទៅបីដងដែរក្នុងមួយឆ្នាំ។
សម្រាប់អ្នកជំងឺភាគច្រើននឹងជាមកវិញក្នុងរយៈពេលមួយសប្តាហ៍ទៅ ១០ថ្ងៃក្រោយ។ អាការៈរបស់វាអាចនឹងមានរយៈពេលយូរជាពិសេសអ្នកជក់បារី។ ដូច្នេះដើម្បីជួយឲ្យរាងកាយកាន់តែមានផាសុកភាព និងឆាប់ជាលឿននោះចូរកុំភ្លេចធ្វើនូវវិធីដូចខាងក្រោមនេះនៅពេលមានជំងឺផ្តាសាយម្តងៗ៖
ញ៉ាំទឹកឲ្យបានច្រើន
ញ៉ាំស៊ុបមាន់
សម្រាកឲ្យបានច្រើន ជាពិសេសពេលក្តៅខ្លួន
ធ្វើយ៉ាងណាឲ្យបន្ទប់គេងមានសំណើមគ្រប់គ្រាន់
ខ្ពុរទឹកអំបិលដើម្បីសម្រួលដល់ការក្អក
បើតឹងច្រមុះ គួរប្រើទឹកសេរ៉ុមបន្តក់
យ៉ាងណាមិញ បើសិនជាអាការៈជំងឺផ្តាសាយចេះតែបន្តជាប់លើសពី ១០ថ្ងៃ ហើយនៅតែមិនព្រមធូរស្រាលទៀត វាគួរតែដល់ពេលពិគ្រោះជាមួយគ្រូពេទ្យ និងព្យាបាលដោយថ្នាំវិញហើយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com