ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
វិទ្យាស្ថាន អន្តរទ្វីប អាមេរិកាំង ចែកវិញ្ញាបនបត្រ បញ្ចប់វគ្គសិក្សាថ្នាក់ក្រោមមតេ្តយ្យសិក្សាសម្រាប់កុមារ
20, Jan 2017 ,
1:51 pm
រូបភាព
×
ដោយ:
ថ្មីៗ
សិស្សានុសិស្សថ្នាក់ភាសាអង់គ្លេសក្រោមមត្តេយ្យសិក្សានៃវិទ្យាស្ថាន អន្ដរទ្វីប អាមេរិកាំង ប្រមាណជាង១០០នាក់ បានទទួលវិញ្ញាបនបត្របញ្ចប់វគ្គសិក្សាថ្នាក់ក្រោមមត្តេយ្យសិក្សាសម្រាប់កុមារដោយជោគជ័យ ក្រោមអធិបតីលោកអគ្គនាយកអប់រំនៃវិទ្យាស្ថាន អន្តរទ្វីប អាមេរិកាំង កែវ ឡង់ឌី នាព្រឹកថ្ងៃសៅរ៍ ទី១៤ មករា កន្លងមកថ្មីៗនេះ។
សូមជម្រាបជូនថា គោលបំណងនៃការបង្កើតកម្មវិធីបញ្ចប់វគ្គសិក្សា និងចែកវិញ្ញាបនបត្រសិក្សាដល់សិស្សថ្នាក់ភាសាអង់គ្លេសក្រោមមត្តេយ្យសិក្សានេះ គឺប្រារព្ធឡើងដើម្បីជំរុញ និងលើកទឹកចិត្តកុមារឱ្យមានកម្លាំងចិត្តសិក្សាផង និងក៏ជាការលើកទឹកចិត្តដល់អាណាព្យាបាលសិស្សដែលតែងតែគាំទ្រគុណភាពអប់រំរបស់វិទ្យាស្ថាន អន្តរទ្វីប អាមេរិកាំង រហូតមកដែរ។ បន្ថែមលើសពីនេះ គឺចង់បង្កើតបរិយាកាសសប្បាយៗដល់កុមារ ក៏ដូចជាទាញចំណាប់អារម្មណ៍ពួកគេឱ្យរៀនសូត្រប្រកបដោយក្ដីរីករាយ។ ទោះជាយ៉ាងនេះក្តី ការរៀនសូត្រតាមរយៈការលេងសប្បាយរបស់សាលារៀនមួយនេះ គឺពុំមែនបង្កើតឡើងដោយគ្មានមូលដ្ឋានច្បាស់លាស់នោះទេ ពោលគឺ គណៈគ្រប់គ្រងវិទ្យាស្ថានបានសិក្សាស្រាវជ្រាវយ៉ាងស៊ីជម្រៅមុននឹងដាក់ឱ្យអនុវត្តន៍។ នេះជាការអះអាងរបស់អគ្គនាយកអប់រំនៃវិទ្យាស្ថាន អន្តរទ្វីប អាមេរិកាំង លោក កែវ ឡង់ឌី ថ្លែងនៅក្នុងឱកាសចែកវិញ្ញាបនបត្រនោះ។
អគ្គនាយកអប់រំរូបនោះបន្តថា កម្មវិធីចែកវិញ្ញាបនបត្រលើកនេះ គ្មានអ្វីខុសប្លែកពីលើកមុននោះទេ ប៉ុន្តែអ្វីដែលគួរឱ្យចាប់អារម្មណ៍នោះ គឺលទ្ធផលសិក្សារបស់កុមារតូចៗមានភាពល្អប្រសើរច្រើនជាងមុន ម្យ៉ាងពួកគេថែមទាំងមានសមត្ថភាពក្លាហានក្នុងការនិយាយភាសាអង់គ្លេសរឹងរឹតតែកើនឡើងផងដែរ។ នេះក៏ដោយសារតែមានអាណាព្យាបាលសិស្សចូលរួមសហការ និងយកចិត្តទុកដាក់ជាមួយនឹងវិទ្យាស្ថានយ៉ាងសកម្ម និងផុសផុលបំផុត។ ស្របជាមួយនឹងគ្នានោះ លោក ឡង់ឌី ក៏សម្ដែងនូវសេចក្តីរំពឹងទុកថា អាណាព្យាបាលសិស្សនឹងបង្កើនការចូលរួមសហការជាមួយនឹងវិទ្យាស្ថានបន្តទៀត ដើម្បីជួយពង្រឹង និងពង្រីកគុណភាពអប់រំកុមារឱ្យកាន់តែប្រសើរឡើងទ្វេដងជាលំដាប់។ អ្វីដែលជាការកត់សម្គាល់នោះ លោកក៏មិនភ្លេចថ្លែងអំណរគុណដល់អាណាព្យាបាលសិស្សដែលតែងតែគាំទ្រ និងមានទំនុកចិត្តមកលើគុណភាព សេវាកម្ម និងវិន័យនៃគ្រឹះស្ថានអប់រំរបស់លោកដែរ។
នាឱកាសដ៏រីករាយនោះ អាណាព្យាបាលសិស្សម្នាក់ក្នុងចំណោមអាណាព្យាបាលសិស្សដទៃទៀតដែលបានចូលរួមអបអរសាទរ និងលើកទឹកចិត្តដល់កូនៗនៅក្នុងពិធីចែកវិញ្ញាបនបត្រនោះគឺលោកស្រី យស ហាក់វត្ថា បានសម្ដែងចំណាប់អារម្មណ៍រីករាយ និងកោតសរសើរពីគុណភាពអប់រំនៃវិទ្យាស្ថានមួយនេះដែលមានការទទួលស្គាល់ពីមហាជនគ្រប់មជ្ឈដ្ឋាន ហើយលោកស្រីជឿជាក់ និងពោលសរសើរថា វិទ្យាស្ថាន អន្តរទ្វីប អាមេរិកាំង ពិតជាមានគុណភាពល្អស្របតាមបទដ្ឋានសិក្សាពិតៗ។ គុណភាពល្អ ក៏ព្រោះតែកម្មវិធីសប្បាយៗមួយចំនួន មិនត្រឹមតែធ្វើឱ្យកូនលោកស្រីមានអារម្មណ៍ស្រស់ថ្លាប៉ុណ្ណោះទេ ប៉ុន្ដែថែមទាំងទាញចំណាប់អារម្មណ៍ឱ្យក្មេងស្រវាស្រទេញសិក្សារៀនសូត្រ និងបង្កើនប្រាជ្ញាស្មារតីរបស់សិស្សានុសិស្សទៀតផង។ “កូនខ្ញុំទើបតែរៀននៅសាលានេះបានមួយរយៈពេលខ្លីប៉ុណ្ណោះ ប៉ុន្ដែខ្ញុំសង្កេតឃើញថាការសិក្សារបស់គាត់ ហាក់ទទួលបានជោគជ័យហួសពីការរំពឹងទុករបស់ខ្ញុំ នេះបញ្ជាក់ថាការសិក្សានៅកន្លែងនេះពិតជាមានគុណភាព និងគួរជាទីទុកចិត្តជឿជាក់ប្រាកដមែន ពោលមិនធ្វើឱ្យខ្ញុំខុសបំណងឡើយ”។ នេះជាការអះអាងបញ្ជាក់បន្ថែមដោយមោទនៈរបស់លោកស្រី វត្ថា។
សូមបញ្ជាក់ថា ក្នុងឱកាសនោះក៏មានវត្តមានចូលរួមពីសំណាក់លោកនាយក នាយករង លោកគ្រូ អ្នកគ្រូ និងអាណាព្យាបាលសិស្សានុសិស្សចូលរួមលើកទឹកចិត្តយ៉ាងកុះករទៀតផង។ ក៏គួររម្លឹកជូនដែរថា នេះជាលើកទី២ហើយ ដែលវិទ្យាស្ថានមួយនេះបានរៀបចំកម្មវិធីចែកវិញ្ញាបនបត្របញ្ចប់វគ្គសិក្សាភាសាអង់គ្លេសដល់សិស្សថ្នាក់ក្រោមមត្តេយ្យសិក្សាសម្រាប់កុមារដោយជោគជ័យ ដែលកាលពីលើកទី១នោះ បានប្រារព្ធធ្វើឡើងនៅថ្ងៃទី៩ ខែកក្កដា ឆ្នាំ២០១៦៕
(អត្ថបទសាលា)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 សប្តាហ៍
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
4 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
2 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
4 ថ្ងៃ
អត្ថបទពេញនិយមបន្ថែម