ទោះ​ត្រូវ​ជួសជុល​ច្រើន តែ​លោក សំអាត មាន​មោទកភាព​ព្រោះ​ទិញ​បាន​ឡាន​បុរាណ​ដែលមាន​តែមួយ​គ្រឿង​គត់​នៅ​កម្ពុជា
ជាតិ
រថយន្ត
ទោះ​ត្រូវ​ជួសជុល​ច្រើន តែ​លោក សំអាត មាន​មោទកភាព​ព្រោះ​ទិញ​បាន​ឡាន​បុរាណ​ដែលមាន​តែមួយ​គ្រឿង​គត់​នៅ​កម្ពុជា
31, Jan 2021 , 8:59 am        
រូបភាព
​សៀមរាប​៖ លោក អ៊ឹង សំអាត ជា​ម្ចាស់​រថយន្ត​បុរាណៗ​ជាច្រើន​គ្រឿង និង​មាន​ម៉ាក​ខុសៗ​គ្នា​។ ក្នុងចំណោម​រថយន្ត​បុរាណ ដែល​លោក សំអាត ប្រមូល​ទិញ​បាន មាន​ឡាន​បារាំង​ម៉ាក PEUGEOT (​ពើ​ហ្សូ​) ម៉ូ​ឌែ​ល 203 ពណ៌​ខ្មៅ​មួយគ្រឿង ផលិត​ឆ្នាំ​១៩៥៤ ដែល​ត្រូវបាន​នាំចូល​សម័យ​បច្ចុប្បន្ននេះ ដើម្បី​ថត​រឿងភាពយន្ដ​។ លោក អ៊ឹង សំអាត ដែលជា​ម្ចាស់​សណ្ឋាគារ Héritage និង​ផ្ទះ​ខ្មែរ​នៅ​ទីក្រុង​សៀមរាប​រូបនេះ បាន​ជួសជុល​រថយន្ដ​នេះ បាន​ច្រើន​ហើយ ប៉ុន្តែ​គាត់​មិនទាន់​បានធ្វើ​កង់ ដែល​បំពាក់​សំបក​ម៉ាក ANGKOR WAT ទេ​។ តាម​លោក សំអាត ឡាន​ពណ៌​ខ្មៅ​ម៉ាក PEUGEOT ម៉ូ​ឌែ​ល 203 ផលិត​ឆ្នាំ​១៩៥៤​នេះ គឺមាន​តែមួយ​គ្រឿង​គត់​នៅ​កម្ពុជា ហើយ​លោក​មាន​មោទកភាព​ដែល​បាន​ក្លាយជា​ម្ចាស់​ឡាន​បុរាណ​មួយគ្រឿង​នេះ​។​

 
​សូម​អញ្ជើញ​លោកអ្នក ទស្សនា​កិច្ច​សម្ភាស​រវាង នាយ យ៉ាន នៃ​សារព័ត៌មាន​ថ្មីៗ និង​លោក អ៊ឹង សំអាត ដូចតទៅ​៖ 
 
 
​ឡាន PEUGEOT 203 ត្រូវបាន​ផលិត​ចំនួន ៦៩៩, ៨៦៣​គ្រឿង ពី​ឆ្នាំ​១៩៤៨ ដល់​ថ្ងៃទី​២៥ ខែកុម្ភៈ ឆ្នាំ​១៩៦០ នៅក្នុង​រោងចក្រ​មួយ​ស្ថិតនៅ​ទីក្រុង Sochaux ប្រទេស​បារាំង​។ ម៉ាស៊ីន​មាន​កម្លាំង ១២៩០CC ដែល​អាច​ជិះ​ល្បឿន​បាន​ដល់ ១២០ គីឡូម៉ែត្រ ក្នុង​មួយ​ម៉ោង​។ មាន​ប្រវែង ៤៣៥ សង់ទីម៉ែត្រ ទទឹង ១៦២ សង់ទីម៉ែត្រ និង​កម្ពស់ ១៥៦ សង់ទីម៉ែត្រ​។ ម៉ាក​សញ្ញា​តោ ត្រូវបាន​បង្កើត​នៅ​ប្រទេស​បារាំង នៅ​ឆ្នាំ​១៨១០ កាលពី​មិនទាន់មាន​រថយន្ដ​នៅឡើយ​។ ពេលនោះ ក្រុមហ៊ុន PEUGEOT ផលិត​វត្ថុ​ផ្សេងៗ​ធ្វើ​ពី​ដែក ហើយ​ចាប់ផ្ដើម​ផលិត​រថយន្ដ​នៅ​ឆ្នាំ​១៨៨៦​។ PEUGEOT គឺជា​ក្រុមហ៊ុន​ដែល​ផលិត​រថយន្ដ​ចាស់​ជាងគេ ក្នុង​លោក​៕
 










 

Tag:
 អ៊ឹង សំអាត​
 ​ឡាន​
 ​រថយន្ត​
 ​យានយន្ត​
 ​សៀមរាប
© រក្សាសិទ្ធិដោយ thmeythmey.com