ជាតិ
សង្គមជាតិ
បង្គាចាក់ចាហួយចំនួន៦តោន នាំចូលពីវៀតណាម ត្រូវបានអាជ្ញាធររឹបអូស បង្គានាំចូលពីរៀតណាមដែលបានចាក់ចាហ៊ួយ។ រូបថត៖ CCF
× ភ្នំពេញ៖ មន្ដ្រីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប» រឹបអូសបង្គាក្លាសេបានចំនួន៦តោន ដែលមានចាក់បញ្ចូលនូវសារធាតុចាហួយ។ បង្គាចាក់ចាហួយចំនួន៦តោននេះ គឺអាជ្ញាធររឹបអូសបានពីទីតាំងលក់គ្រឿងសមុទ្រម្ដុំត្រឡោកបែក និងផ្លូវជាតិលេខ៣ រាជធានីភ្នំពេញ ដែលនាំចូលពីប្រទេសវៀតណាម។
បើតាមការចុះផ្សាយរបស់អគ្គនាយកដ្ឋានក.ប.ប.នៃក្រសួងពាណិជ្ជកម្ម បង្គាដែលបានចាក់បញ្ជូលនូវសារធាតុចាហួយ៦តោននោះ ចំនួនមាន៣០៧កេស ដឹកជញ្ជូនដោយរថយន្ត២គ្រឿង ពីច្រកទ្វារអន្តរជាតិព្រែកចាកកម្ពុជា-វៀតណាម ក្នុងខេត្តកំពត។ អគ្គនាយកដ្ឋានក.ប.ប. បានបញ្ជាក់ថា ការចាក់បញ្ជូលចាហួយបន្ថែមនៅក្នុងបង្គាទាំងនោះ គឺដើម្បីបង្កើនទម្ងន់ ដែលធ្វើឱ្យខាតបង់ផលប្រយោជន៍អ្នកប្រើប្រាស់ ជាពិសេសអាចប៉ះពាល់ដល់សុខភាពអ្នកបរិភោគ។
បច្ចុប្បន្ន រថយន្ត និងវត្ថុតាង(បង្គាចាក់ចាហួយ) ដែលអាជ្ញាធររឹបអូសបាននោះ ត្រូវបានបញ្ជូនទៅអគ្គនាយកដ្ឋាន ក.ប.ប. ដើម្បីបន្តចាត់ការតាមនីតិវិធីច្បាប់៕
© រក្សាសិទ្ធិដោយ thmeythmey.com