តាម CDC គម្រោងអភិវឌ្ឍន៍ទី១ មានទុនវិនិយោគប្រមាណ២០លានដុល្លារអាមេរិក ដែលនឹងបង្កើតរោងចក្រផ្គុំដំឡើងទោចក្រយានយន្ត និងត្រីចក្រយានយន្ត ប្រើដោយថាមពលអគ្គិសនី។ គម្រោងវិនិយោគនេះ មានទីតាំងស្ថិតនៅក្នុងតំបន់សេដ្ឋកិច្ចពិសេសសុវណ្ណភូមិ ខេត្តកណ្តាល និងអាចបង្កើតការងារដល់ពលរដ្ឋបានចំនួន ៣៨០កន្លែង។ គម្រោងមួយទៀត គឺមានទុនវិនិយោគប្រមាណ ៤៧,៧លានដុល្លារអាមេរិក ដែលនឹងបង្កើតរោងចក្រផលិតសាឡុង គ្រែ និងគ្រឿងសង្ហារឹមគ្រប់ប្រភេទ។ គម្រោងនេះមានទីតាំងវិនិយោគនៅក្នុងតំបន់សេដ្ឋកិច្ចពិសេស ស៊ីន បាវិត ខេត្តស្វាយរៀង និងអាចបង្កើតការងារបានចំនួន ៨២០កន្លែង៕