COVID-19
ជាតិ
កម្ពុជាមានអ្នកជំងឺកូវីដ-១៩ តែ១០នាក់ទេ ក្រោយស្ត្រីខ្មែរ៣នាក់ទៀតសះស្បើយ
× ក្រសួងសុខាភិបាលបានប្រកាសនៅថ្ងៃទី១៤កុម្ភៈនេះថា មានអ្នកជំងឺចំនួន៣នាក់ទៀតបានសះស្បើយពីជំងឺកូវី-១៩។ ចំនួនអ្នកសះស្បើយបន្ថែមទៀតនេះ បានធ្វើឲ្យកម្ពុជានៅមានអ្នកជំងឺតែ១០នាក់ទៀតប៉ុណ្ណោះ។
បើតាមសេចក្តីប្រកាសព័ត៌មានរបស់ក្រសួងសុខាភិបាល អ្នកសះស្បើយទាំង៣នាក់ រួមមានសត្រីខ្មែរអាយុ៧៨ឆ្នាំ មានអាសយដ្ឋាននៅសង្កាត់បឹងសាឡាង ខណ្ឌទួលគោក រាជធានីភ្នំពេញ ជាអ្នកដំណើរពីសហរដ្ឋអាមេរិក បន្តជើងហោះហើរនៅប្រទេសកូរ៉េខាងត្បូង មកដល់កម្ពុជានៅថ្ងៃទី១៤មករា។
ស្ត្រីខ្មែរអាយុ៤៣ឆ្នាំ មានអាសយដ្ឋាននៅសង្កាត់ផ្សារដើមគ ខណ្ឌទួលគោក រាជធានីភ្នំពេញ ជាអ្នកដំណើរពីប្រទេសកូរ៉េខាងត្បូង មកដល់កម្ពុជានៅថ្ងៃទី២៤ មករា។
ស្ត្រីខ្មែរអាយុ៣៧ឆ្នាំ មានអាសយដ្ឋាននៅសង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ដែលបានធ្វើដំណើរពីប្រទេសថៃ មកដល់កម្ពុជានៅថ្ងៃទី១៥ មករា។
សូមជម្រាបថា គិតត្រឹមថ្ងៃទី១៤ កុម្ភៈនេះ កម្ពុជាបានរកឃើញអ្នកកើតជំងឺកូវីដ-១៩ សរុប ៤៧៩នាក់ ក្នុងនោះ ៤៦៩នាក់ បានសះស្បើយ។ នៅសល់អ្នកជំងឺ១០នាក់ទៀតកំពុងសម្រាកព្យាបាលនៅតាមមន្ទីរពេទ្យនានា៕
© រក្សាសិទ្ធិដោយ thmeythmey.com