កាលណាមនុស្សមានដំណើរដេកលក់ ,ដំណើរឃើញអ្វីមួយនៅពេលដែលកំពុងតែដេកលក់នោះ គឺគេហៅថាយល់សប្តិ ដែលអាចសរសេរថា«យល់សប្ត ឬយល់សប្ន» ក៏បាន គឺសុទ្ធតែត្រឹមត្រូវដូចតែគ្នា។ កាលណាកំពុងតែដេកលក់ពេលថ្ងៃ ហើយឃើញមានអ្វីមួយកើតឡើង គឺគេហៅថា «យល់សូង»។ វចនានុក្រមខ្មែរសម្តេចព្រះសង្ឃរាជ ជួន ណាត បញ្ជាក់ដូច្នេះ។

 

នៅក្នុងវចនានុក្រមខ្មែរសម្តេចព្រះសង្ឃរាជ ជួន ណាត ក៏បានបញ្ជាក់ពាក្យ «សុបិន» ដើរតួជានាមសព្ទ ដែលមានន័យថា ការយល់សប្តិឃើញអ្វីមួយ។ កាលពីយប់មិញ ខ្ញុំមានសុបិនមិនល្អ៕