សម្ដេច ហ៊ុន សែន បណ្ដេញអធិការស្រុកកំរៀងពីក្របខណ្ឌ ក្រោយដោះលែងមេខ្យល់ នាំពលរដ្ឋឆ្លងដែនខុសច្បាប់

ជាតិ

សម្ដេច ហ៊ុន សែន បណ្ដេញអធិការស្រុកកំរៀងពីក្របខណ្ឌ ក្រោយដោះលែងមេខ្យល់ នាំពលរដ្ឋឆ្លងដែនខុសច្បាប់

16, Feb 2021 , 10:45 am

រូបភាព

ដោយ: ធឿន បញ្ញាឬទិ្ធ

ភ្នំពេញ៖ សម្ដេច ហ៊ុន សែន បានសម្រេចដកស័ក្តិ និងបណ្តេញលោកវរសេនីយ៍ឯក គឹម ពន្លក អធិការស្រុកកំរៀង ខេត្តបាត់ដំបង ចេញពីក្របខណ្ឌមន្ត្រីនគរបាលជាតិ នៃក្រសួងមហាផ្ទៃ។ នេះបើតាមអនុក្រឹត្យចុះថ្ងៃទី១៥ កុម្ភៈ។

សម្ដេច ហ៊ុន សែន មិនបញ្ជាក់មូលហេតុនៅក្នុងអនុក្រឹត្យ ស្តីពីអនុវត្តវិន័យលើមន្ត្រីនគរបាលនេះទេ។ ប៉ុន្តែការសម្រេចបណ្ដេញលោក គឹម ពន្លក អធិការស្រុកកំរៀងពីក្របខណ្ឌនេះ កើតឡើងក្រោយពេលសម្ដេច ហ៊ុន សែន ព្រមានដកស័ក្តិ និងបណ្ដេញមន្ត្រីណា ដែលដោះលែងមេខ្លោង នាំមនុស្សឆ្លងកាត់ផ្លូវរបៀងខុសច្បាប់។

តាមរយៈសារសំឡេងជិត៣០នាទី កាលពីថ្ងៃទី១៥ កុម្ភៈ សម្ដេច ហ៊ុន សែន បានបញ្ជាក់ថា មានមន្ត្រីនៅច្រកព្រំដែន ខេត្តបាត់ដំបងម្នាក់ បានដោះលែងក្រុមមេខ្លោងនាំពលករឆ្លងដែន គេចវេះពីការធ្វើចត្តាឡីស័កនេះ។

គិតត្រឹមថ្ងៃទី១៤ ខែកុម្ភៈ មានពលករឆ្លងពីថៃ ហើយធ្វើចត្តាឡីស័កចំនួន ៣៥,៦៦៥នាក់។ ក្នុងនោះអ្នកកំពុងធ្វើចត្តាឡីស័កនៅតាមខេត្តជាប់ព្រំដែនទាំង៧ មានចំនួន ១១,៨៥៧នាក់។ចំពោះពលករមកថៃនេះ ត្រូវបានក្រសួងសុខាភិបាល រកឃើញមានអ្នកឆ្លងជំងឺកូវីដ-១៩ សរុប ៨៩នាក់។

អត្ថបទទាក់ទង

អធិការស្រុកកំរៀង ខេត្តបាត់ដំបង ត្រូវផ្អាកការងារបណ្ដោះអាសន្ន ក្រោយអនុវត្តការងារខុសនីតិវិធី

សម្ដេច ហ៊ុន សែន ព្រមានដកស័ក្តិមន្ត្រីណា ដែលដោះលែងមេខ្លោង នាំមនុស្សឆ្លងកាត់ផ្លូវរបៀង