COVID-19
ជាតិ
លោក ម៉ម ប៊ុនហេង រដ្ឋមន្ត្រីក្រសួងសុខាភិបាល
×![]()
ដោយ: ថ្មីៗ
ក្រសួងសុខាភិបាល នាថ្ងៃនេះ បានប្រកាសពីករណីឆ្លងកូវីដ-១៩ ចំនួន១៧នាក់ទៀតនៅកម្ពុជា ដែលក្នុងនោះ១៥នាក់ពាក់ព័ន្ធសហគមន៍២០កុម្ភៈ ១នាក់ជាអ្នកដំណើរពីបរទេស និង១នាក់ទៀតជាពលករមកពីថៃ។
តាមក្រសួងសុខាភិបាល១៥ករណីដែលពាក់ព័ន្ធព្រឹត្តិការណ៍២០កុម្ភៈ មានស្ត្រីជនជាតិចិន១១នាក់ បុរសចិន៣នាក់ និងស្ត្រីវៀតណាម១នាក់។ ១៣នាក់ត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរសូវៀត និង៣នាក់នៅមណ្ឌលសុខភាពចាក់អង្រែ។
១ករណីទៀត ជាស្ត្រីជនជាតិឆេក អាយុ៤៣ឆ្នាំ ដែលបានធ្វើដំណើរមកពីប្រទេសរបស់ខ្លួន បន្តជើងហោះហើរនៅកូរ៉េខាងត្បូង ហើយមកដល់កម្ពុជានៅថ្ងៃទី៧ ខែកុម្ភៈ។ គាត់មានវិជ្ជមានកូវីដ-១៩ ក្រោយតេស្តលើកទី២។ បច្ចុប្បន្នសម្រាកព្យាបាលនៅពេទ្យខ្មែរសូវៀត រីឯអ្នកដំណើរ៧៧នាក់ទៀត បន្តធ្វើចត្តាឡីស័ក។
រីឯករណីពលករមកថៃ អ្នកជំងឺជាបុរសអាយុ៤៧ឆ្នាំ អាសយដ្ឋាននៅឃុំវត្តអង្គត្បូង ស្រុកបន្ទាយមាស ខេត្តកំពត។ គាត់មកដល់ខ្មែរនៅថ្ងៃទី១៨ ខែកុម្ភៈ។ បច្ចុប្បន្នគាត់សម្រាកព្យាបាលនៅមន្ទីរពេទ្យបង្អែកបន្ទាយមានជ័យ។
ជាមួយគ្នា អ្នកជាសះស្បើយថ្មី មាន៣នាក់ ក្នុងនោះមានបុរសនីហ្សេរីយ៉ា អាយុ២៦ឆ្នាំ, ស្ត្រីចិនអាយុ២៦ឆ្នាំ និងស្ត្រីពលករអាយុ២៦ឆ្នាំម្នាក់។
របាយការណ៍ក្រសួងបង្ហាញថា តួលេខអ្នកឆ្លងសរុបនៅកម្ពុជាឡើងដល់៥៣៣នាក់ ក្នុងនោះ៤៧៣នាក់ បានជាសះស្បើយ និង៦០នាក់បន្តសម្រាកព្យាបាលនៅមន្ទីរពេទ្យ។ បើគិតតែចំនួនអ្នកឆ្លងសម្រាប់ព្រឹត្តិការណ៍សហគមន៍២០កុម្ភៈ អ្នកជំងឺមាន៤៣នាក់ ដែលភាគច្រើនបំផុតជាជនជាតិចិន និងវៀតណាម២នាក់។
រីឯចំនួនពលករមកពីថៃវិញ ឡើងសរុបដល់៩០នាក់ ក្នុងនោះ៨៨នាក់ បានជាសះស្បើយ៕
តាមក្រសួងសុខាភិបាល១៥ករណីដែលពាក់ព័ន្ធព្រឹត្តិការណ៍២០កុម្ភៈ មានស្ត្រីជនជាតិចិន១១នាក់ បុរសចិន៣នាក់ និងស្ត្រីវៀតណាម១នាក់។ ១៣នាក់ត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរសូវៀត និង៣នាក់នៅមណ្ឌលសុខភាពចាក់អង្រែ។
១ករណីទៀត ជាស្ត្រីជនជាតិឆេក អាយុ៤៣ឆ្នាំ ដែលបានធ្វើដំណើរមកពីប្រទេសរបស់ខ្លួន បន្តជើងហោះហើរនៅកូរ៉េខាងត្បូង ហើយមកដល់កម្ពុជានៅថ្ងៃទី៧ ខែកុម្ភៈ។ គាត់មានវិជ្ជមានកូវីដ-១៩ ក្រោយតេស្តលើកទី២។ បច្ចុប្បន្នសម្រាកព្យាបាលនៅពេទ្យខ្មែរសូវៀត រីឯអ្នកដំណើរ៧៧នាក់ទៀត បន្តធ្វើចត្តាឡីស័ក។
រីឯករណីពលករមកថៃ អ្នកជំងឺជាបុរសអាយុ៤៧ឆ្នាំ អាសយដ្ឋាននៅឃុំវត្តអង្គត្បូង ស្រុកបន្ទាយមាស ខេត្តកំពត។ គាត់មកដល់ខ្មែរនៅថ្ងៃទី១៨ ខែកុម្ភៈ។ បច្ចុប្បន្នគាត់សម្រាកព្យាបាលនៅមន្ទីរពេទ្យបង្អែកបន្ទាយមានជ័យ។
ជាមួយគ្នា អ្នកជាសះស្បើយថ្មី មាន៣នាក់ ក្នុងនោះមានបុរសនីហ្សេរីយ៉ា អាយុ២៦ឆ្នាំ, ស្ត្រីចិនអាយុ២៦ឆ្នាំ និងស្ត្រីពលករអាយុ២៦ឆ្នាំម្នាក់។
របាយការណ៍ក្រសួងបង្ហាញថា តួលេខអ្នកឆ្លងសរុបនៅកម្ពុជាឡើងដល់៥៣៣នាក់ ក្នុងនោះ៤៧៣នាក់ បានជាសះស្បើយ និង៦០នាក់បន្តសម្រាកព្យាបាលនៅមន្ទីរពេទ្យ។ បើគិតតែចំនួនអ្នកឆ្លងសម្រាប់ព្រឹត្តិការណ៍សហគមន៍២០កុម្ភៈ អ្នកជំងឺមាន៤៣នាក់ ដែលភាគច្រើនបំផុតជាជនជាតិចិន និងវៀតណាម២នាក់។
រីឯចំនួនពលករមកពីថៃវិញ ឡើងសរុបដល់៩០នាក់ ក្នុងនោះ៨៨នាក់ បានជាសះស្បើយ៕
© រក្សាសិទ្ធិដោយ thmeythmey.com
