ពីនេះ ពីនោះ
«កតញ្ញូ និងកតញ្ញុតាធម៌» មិនមែន«កត្តញ្ញូ និងកត្តញ្ញុតាធម៌»ឡើយ
× ការពិតទៅពលរដ្ឋខ្មែរប្រាកដជាស្គាល់នូវនិយមន័យរបស់ពាក្យ«កតញ្ញូ និងកតញ្ញុតាធម៌»នេះហើយគ្រាន់តែពាក្យនេះ ត្រូវបានពលរដ្ឋខ្មែរមួយចំនួនសរសេរមិនទាន់ត្រឹមត្រូវ ដោយអ្នកខ្លះសរសេរ«កតញ្ញូ និងកតញ្ញុតាធម៌»ទៅជា«កត្តញ្ញូ និងកត្តញ្ញុតាធម៌»ទៅវិញ ដោយសរសេរបែបនេះមិនត្រឹមត្រូវឡើយ។
« កតញ្ញូ» មានន័យថា អ្នកដឹងឧបការគុណដែលអ្នកឯទៀតគេបានធ្វើហើយដល់ខ្លួន គឺអ្នកដែលមិនភ្លេច, មិនរមឹលគុណគេ។ ឧទាហរណ៍៖ បុរសកតញ្ញូ, ស្ត្រីកតញ្ញូ, កូនកតញ្ញូ។ ពាក្យនេះផ្ទុយពីពាក្យ អកតញ្ញូ ដែលមានន័យថា មិនដឹងគុណ និងរមឹលគុណ។
«កតញ្ញុតា»មានន័យថា សេចក្ដីដឹងឧបការគុណដែលអ្នកដទៃបានធ្វើដល់ខ្លួន។ បុត្រធីតា ត្រូវមានកតញ្ញុតាចំពោះមាតាបិតា ។ កតញ្ញុតាធម៌គឺមានន័យថា ធម៌គឺកតញ្ញុតា។ កតញ្ញុតាធម៌របស់បុត្រធីតា៕
© រក្សាសិទ្ធិដោយ thmeythmey.com