បើតាមការចុះផ្សាយរបស់ CDC នៅថ្ងៃទី២៦ ខែកុម្ភៈ ក្រុមហ៊ុនទាំង២ ដែលCDC បានចេញវិញ្ញាបនបត្រចុះបញ្ជីជាស្ថាពរ ដើម្បីឱ្យអនុវត្តគម្រោងវិនិយោគនៅកម្ពុជា រួមមាន ក្រុមហ៊ុន OCEAN APPAREL MANUFACTURING CO.LTD និង  ក្រុមហ៊ុន GLAMOR GLASS CO.LTD ។ 

 

ក្រុមហ៊ុន OCEAN APPAREL MANUFACTURING CO.LTD វិនិយោគក្នុងថវិកាទំហំ៤លានដុល្លារ លើវិស័យកាត់ដេរសម្លៀកបំពាក់ នៅភូមិវល្លិសរ ឃុំវល្លិសរ ស្រុកសំរោងទង ខេត្តកំពង់ស្ពឺ ។ គម្រោងនេះ អាចផ្ដល់ឱកាសការងារដល់ពលរដ្ឋ បាន២៣០០កន្លែង ។ 

 

ក្រុមហ៊ុន GLAMOR GLASS CO.LTD វិនិយោគក្នុងថវិកាទំហំ៧,៨លានដុល្លារ លើការផលិតផ្ទាំងកញ្ចក់សូឡា នៅតំបន់សេដ្ឋកិច្ចពិសេស គិរីសាគរ ខេត្តកោះកុង និងអាចផ្ដល់ការងារដល់ពលរដ្ឋចំនួន១៩០កន្លែង៕