ជាតិ
សេដ្ឋកិច្ច
ពីរខែដើមឆ្នាំ២០២១ ទេសចរបរទេសទៅទស្សនា «រមណីយដ្ឋានអង្គរ» ធ្លាក់ចុះ៩៨,៧៧ភាគរយ
ភ្ញៀវទេសចរចូលទស្សនាប្រាសាទអង្គរវត្ត កាលពីថ្ងៃទី១២មករា ឆ្នាំ២០២១។រូបថត៖ ទូច សុវណ្ណឌី
×![]()
ភ្នំពេញ៖ ២ខែដំបូងនៃឆ្នាំ២០២១ «រមណីយដ្ឋានអង្គរ» មានភ្ញៀវទេសចរបរទេស ទិញបណ្ណចូលទស្សនា ត្រឹមតែ៤,១៩៤នាក់ ប៉ុណ្ណោះ។ បើតាមសេចក្ដីប្រកាសព័ត៌មាន ស្តីពីស្ថិតិភ្ញៀវទេសចរបរទេសទិញបណ្ណចូលទស្សនារមណីយដ្ឋានអង្គរបានពីគ្រឹះស្ថានអង្គរ នៅថ្ងៃទី១មីនា ចំនួនភ្ញៀវទេសចរបរទេសនេះ គឺបានធ្លាក់ចុះរហូត៩៨,៧៧ភាគរយ បើធៀបនឹងរយៈពេលដូចគ្នា ក្នុងឆ្នាំ២០២០កន្លងមក។
ចំនួនភ្ញៀវទេសចរបរទេសជាង៤ពាន់នាក់ ដែលបានទិញបណ្ណចូលទស្សនាតំបន់នានានៃបរិវេណរមណីយដ្ឋានអង្គរ គឺបានផ្តល់ចំណូលដល់គ្រឹះស្ថានអង្គរ បានសរុប ១៧២,៨២៣ដុល្លារអាមេរិក។ នេះបើតាមការបញ្ជាក់របស់គ្រឹះស្ថានអង្គរ។ ដោយឡែក សម្រាប់ខែកុម្ភៈ ឆ្នាំ២០២១ គ្រឹះស្ថានអង្គរ រកចំណូលបានជាង១២ម៉ឺនដុល្លារ ពីការលក់បណ្ណជូនភ្ញៀវទេសចរបរទេសចូលទស្សនារមណីយដ្ឋានអង្គរ ជិត៣ពាន់នាក់។
កាលឆ្នាំ២០២០នៃវិបត្តិជំងឺកូវីដ-១៩ កម្ពុជាទទួលបានចំណូលជាង១៨,៦លានដុល្លារ ពីភ្ញៀវទេសចរបទេសជាង៤០ម៉ឺននាក់ ដែលទិញបណ្ណចូលទស្សនា«រមណីយដ្ឋានអង្គរ»។ ប៉ុន្តែចំណូលនេះ បើនឹងឆ្នាំ២០១៩ គឺបានធ្លាក់ចុះរហូតជាង៨០ភាគរយ។ នេះបើតាមគ្រឹះស្ថានអង្គរ៕
Tag:
ទេសចរណ៍
រមណីយដ្ឋានអង្គរ
© រក្សាសិទ្ធិដោយ thmeythmey.com
