ក្រសួងសាធារណការបានប្រកាសលើទំព័រហ្វេសប៊ុករបស់ខ្លួននៅថ្ងៃទី២ មីនាថា ក្រសួងបានស្នើនិងទទួលគោលការណ៍ឯកភាពពីសម្ដេច ហ៊ុន សែន នាយករដ្ឋមន្រី្ត សម្រេចលុបចោលការជ្រើសរើសមន្រី្តក្របខណ្ឌថ្មី ចំនួន១៣៣កន្លែង នៅឆ្នាំ២០២១ នេះ។ ការសម្រេចធ្វើបែបនេះ គឺដើម្បីរួមចំណែកជួយរដ្ឋាភិបាលប្រយុទ្ធប្រឆាំងនឹងការរីករាលដាលកូវីដ-១៩ ដែលកំពុងបន្តរាតត្បាត។ 
 

ក្រសួងបានអះអាងថា៖ «ដើម្បីចូលរួមសន្សំសំច័យថវិកាជាតិសម្រាប់ទ្រទ្រង់ស្ថិរភាពសេដ្ឋកិច្ច និងសង្គមក្នុងគ្រាលំបាកនេះ»។ 
 

ពេញឆ្នាំ២០២០ ក្រសួងសាធារណការរកចំណូលបានជាង១២លានដុល្លារ ពីការលក់ឯកសារលត្រាប័ត្ររថយន្ដ, ការជួលដីនិងអគារ, ការជួលសម្ភារបរិក្ខារ មធ្យោបាយដឹកជញ្ជូន, ការចុះបញ្ជីយានយន្ត, ការផ្តល់ប័ណ្ណបើកបរ និងការផាកពិន័យជាដើម៕