អត្ថបទពាណិជ្ជកម្ម
ផ្សារទំនិញ ជីប ម៉ុង Supermarket និងExpress ត្រូវបានសម្អាតជាប្រចាំ តាមបច្ចេកទេសណែនាំរបស់ក្រសួងសុខាភិបាល ដើម្បីធានាសុវត្ថិភាពខ្ពស់របស់អតិថិជនខ្លួន
×![]()
ដោយ: សារព័ត៌មានថ្មីៗ
ផ្សារទំនិញ ជីប ម៉ុង Supermarkets និង Express ទាំង ៧សាខា ប្តេជ្ញាការពារ និងផ្តល់ឱ្យអតិថិជន នូវសុវត្ថិភាពខ្ពស់បំផុត ក្នុងបរិវេណផ្សារទំនិញរបស់ខ្លួន តាមរយៈការសម្អាតមេរោគជាប្រចាំ តាមបច្ចេកទេស ណែនាំដោយក្រសួងសុខាភិបាល។
លោក ឡូរ៉ង់ ហែមលេត (Laurent Hemlet) នាយកប្រត្តិបត្តគ្រប់គ្រងផ្សារទំនិញជីប ម៉ុង បានមានប្រសាសន៍ថា៖ “ផ្សារទំនិញជីប ម៉ុង កន្លងមក តែងយកចិត្តទុកដាក់ ទៅលើសុខុមាលភាព និងសុវត្ថិភាពអតិថិជនយើងជាប្រចាំ។ ទោះស្ថិតនៅក្នុងកាលៈទេសៈណាក៏ដោយ យើងមិនបានភ្លេចខ្លួន ពីជំងឺឆ្លង ដែលកំពុងរាតត្បាតទូរទាំងសកលលោកឡើយ”។
លោកបន្តទៀតថា៖ “យើងសម្អាតបរិវេណផ្សារទំនិញរបស់យើង គ្រប់សាខា គ្រប់ច្រកល្ហកដោយក្រុមការងារសម្អាត និងបច្ចេកទេសដែលណែនាំ ដោយក្រសួងសុខាភិបាល»។
ក្រៅពីសម្លាប់មេរោគនៅទីតាំងរបស់ខ្លួនហើយ រាល់អតិថិជនចេញចូលផ្សារទំនិញរបស់យើង តម្រូវឱ្យលាងដៃ នឹងទឹកអាល់កុល ឬជែល វាស់កម្តៅ និងពាក់ម៉ាស មុនចូលក្នុងផ្សារទំនិញជីប ម៉ុង គ្រប់សាខាទាំងអស់។ បើតាមលោក ឡូរ៉ង់ ហែមលេត មិនត្រឹមតែអតិថិជននោះទេ សូម្បី ទេបុគ្គលិក ដៃគូផ្គត់ផ្គង់ទំនិញ ឬភ្នាក់ងារដឹកជញ្ជូនរបស់ផ្សារទំនិញជីប ម៉ុង ក៏តម្រូវឱ្យធ្វើដូចគ្នាផងដែរ។
លោក ឡូរ៉ង់ ហែមលេត បន្ថែមដូច្នេះ៖ “បុគ្គលិក និងដៃគូរផ្គត់ផ្គង់ទំនិញ ឬ ភ្នាក់ងារដឹកជញ្ជូន ក៏តម្រូវ ឱ្យធ្វើដូចគ្នាផងដែរ ដោយមិនមានការលើកលែងណាមួយជាដាច់ខាត។ យើងក៏បាន ផលិតវីដេអូ និងសារជាច្រើន ស្តីពីវិធានការការពារខ្លួនពីជំងឺឆ្លង ហើយផ្សព្វផ្សាយនៅលើទំព័រហ្វេសប៊ុករបស់យើង យ៉ាងទូលំទូលាយផងដែរ។ ដូច្នេះខ្ញុំអាចបញ្ជាក់បានថា សុវត្ថិភាព របស់អតិថិជន ដែលចូលមកទិញទំនិញ ឬម្ហូបអាហារ ក្នុងផ្សារទំនិញរបស់យើង គឺត្រូវបានយកចិត្តទុកដាក់ខ្ពស់បំផុត”។
នាយកប្រត្តិបត្តគ្រប់គ្រងផ្សារទំនិញជីប ម៉ុង បានឱ្យយោបល់ផងដែរថា៖ “បើលោកអ្នក កំពុងសង្ស័យ ឬធ្វើចត្តាឡីស័កខ្លួនឯង ហើយត្រូវការម្ហូបអាហារ ឬទំនិញប្រើប្រាស់ប្រចាំថ្ងៃ លោកអ្នកក៏នៅតែអាចបញ្ជាទិញទំនិញរបស់យើងបាន តាមរយៈកម្មវីធីដឹកជញ្ជូនទំនិញដល់ផ្ទះ Online Delivery ដែលមានដូចជា Food Panda, Nham 24, Bloc, Grab, Muuve និង Grocerdel ជាធម្មតា”។
ការបញ្ជាក់របស់លោក ឡូរ៉ង់ ហែមលេត ត្រូវបានធ្វើឡើង ក្រោយពេលក្រសួងសុខាភិបាលបានបញ្ជាក់ថា មិនមានបុគ្គលិកផ្សារទំនិញ របស់លោកណាមួយណា ធ្វើតេស្តវិជ្ជមានកូវីដនោះទេ៕
(អត្ថបទពាណិជ្ជកម្ម)
Tag:
Khmer Beverages
© រក្សាសិទ្ធិដោយ thmeythmey.com
