អត្ថបទពាណិជ្ជកម្ម
ទឹកក្រូចអាយស៍ IZE អបអរសាទរ SmallWorld SmallBand ក្រុមតូច សម្រាប់គម្រប់ខួប១ឆ្នាំ និងការបន្តជាទូតសុឆន្ទៈ
× ភ្នំពេញ៖ ទឹកក្រូចអាយស៍ IZE សូមអរគុណ និងអបអរសាទរគម្រប់ខួប១ឆ្នាំ ដែល SmallWorld SmallBand ក្រុមតូច ក្លាយជាទូតសុឆន្ទៈតំណាងទឹកក្រូចអាយស៍ IZE ។
ក្នុងនោះ ទឹកក្រូចអាយស៍ IZE ក៏ចូលរួមត្រេកអរ ដល់ SmallWorld SmallBand ក្រុមតូច សម្រាប់ការបន្តជាទូតសុឆន្ទៈ តំណាងទឹកក្រូចអាយស៍ IZE ក្រោយបានរួមសហការគ្នា ក្នុងការពាំនាំយកភាពសប្បាយរីករាយ និងអស្ចារ្យជាច្រើនកន្លងមក រួមមានការបង្កើតបទចម្រៀងថ្មីៗ ការផ្សព្វផ្សាយពាណិជ្ជកម្ម និងការចូលរួមកម្មវិធីផ្សេងៗ សម្រាប់ជាទស្សនីយភាព និងជាទីសណ្តាប់របស់អ្នកគាំទ្រ និងអ្នកនិយមពិសាទឹកក្រូចអាយស៍ IZE អស់រយៈពេលមួយឆ្នាំមកនេះ។
តារាចម្រៀងស្រីតែម្នាក់គត់ ក្នុងក្រុម កញ្ញា កេសរ បានបង្ហាញអារម្មណ៍រំភើបថា៖ «ការរួមដំណើរជាមួយទឹកក្រូចអាយស៍ IZE រយៈពេលមួយឆ្នាំនេះ គឺពិតជាបទពិសោធន៍មួយដ៏អស្ចារ្យណាស់ ព្រោះយើងបានបង្កើតព្រឹត្តការណ៍ថ្មីៗជាច្រើនរួមគ្នា សម្រាប់អ្នកគាំទ្រ។ អ្វីដែលពិសេសជាងនេះ គឺ SmallWorld SmallBand ក្រុមតូច នៅតែបន្តជាទូតសុឆន្ទៈ តំណាងទឹកក្រូចអាយស៍ IZE ព្រោះយើងដឹងថា ការបន្ដដំណើរលើវិថីជាមួយគ្នានេះ ប្រៀបដូចជាការបង្កើតបទពិសោធន៍ថ្មីៗ ប្លែកៗ សម្រាប់ការអភិវឌ្ឍទេពកោសល្យបន្ថែម មកលើក្រុមយើងផងដែរ»។
លោកស្រី គង់ កុសល នាយិកាទីផ្សារក្រុមហ៊ុន ខ្មែរ ប៊ែវើរីជីស បានមានប្រសាសន៍ថា៖ «យើងពិតជាអរគុណ SmallWorld SmallBand ក្រុមតូច សម្រាប់ការសហការដ៏ល្អ ជាមួយទឹកក្រូចអាយស៍ IZE កន្លងមកនេះ ហើយក៏រីករាយស្វាគមន៍ SmallWorld SmallBand ក្រុមតូច សម្រាប់ការបន្តដំណើរ ជាមួយទឹកក្រូចអាយស៍ IZE ។ យើងសង្ឃឹមថា ការបន្តទំនាក់ទំនងមួយនេះ នឹងអាចពាំនាំ អ្វីដែលរំភើបប្លែកៗ ខុសពីមុន ជូនដល់អ្នកគាំទ្រ និងអ្នកនិយមពិសាទឹកក្រូចអាយស៍ IZE ជាក់ជាមិនខាន»៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com