អ្នកចាក់វ៉ាក់សាំងកូវីដ-១៩ នៅកម្ពុជា មានដល់ជាង១០ម៉ឺននាក់ហើយ

COVID-19

ជាតិ

សុខភាព

អ្នកចាក់វ៉ាក់សាំងកូវីដ-១៩ នៅកម្ពុជា មានដល់ជាង១០ម៉ឺននាក់ហើយ

03, Mar 2021 , 7:29 pm

រូបភាព

ដោយ: អ៊ូ សុខមាន (OU Sokmean)

របាយការណ៍របស់ស្ថាប័នទាំងពីរ បានបញ្ជាក់ថា ពលរដ្ឋអាទិភាពដែលបានចាក់វ៉ាក់សាំងកូវីដ-១៩ ជាង៣,៣ម៉ឺននាក់ ក្នុងនោះស្ត្រីចំនួន ៩,២០៥នាក់។ ចំណែកកងទ័ព ជាង៧,៥ម៉ឺននាក់ មានស្ត្រី ចំនួន ៥,៨៧៣នាក់។

កម្ពុជាចាប់ផ្តើមចាក់វ៉ាក់សាំងប្រភេទស៊ីណូហ្វាមរបស់ចិន តាំងពីថ្ងៃទី១០ខែកុម្ភៈ ក្រោយទទួលបានវ៉ាក់សាំងនេះ នៅថ្ងៃទី៧ ខែកុម្ភៈ ឆ្នាំ២០២១។ វ៉ាក់សាំងស៊ីណូហ្វាមនេះ អាចចាក់លើមនុស្សអាយុចាប់ពី១៨ឆ្នាំ ដល់ ៥៩ឆ្នាំប៉ុណ្ណោះ ដោយទីតាំងចាក់បានពង្រីករហូតដល់ទាំង២៥រាជធានី-ខេត្ត។ ចំពោះមនុស្សដែលស្ថិតនៅចន្លោះវ័យនេះ បើមានសុខភាពខ្សោយ ឬមានជំងឺផ្សេងៗ ក៏មិនអាចចាក់បានដែរ។

ក្រៅពីវ៉ាក់សាំងស៊ីណូហ្វាមរបស់ចិននេះ កម្ពុជាទទួលបានវ៉ាក់សាំងអាស្ត្រាហ្ស៊ីណិកា (AstraZeneca)របស់ឥណ្ឌា ចំនួន ៣២៤,០០០ដូស តាមរយៈCOVAX ដែលបានដឹកមកដល់កម្ពុជា កាលពីយប់ថ្ងៃទី ២មីនា ឆ្នាំ២០២១។

គិតត្រឹមថ្ងៃទី៣ខែមីនា កម្ពុជារកឃើញអ្នកឆ្លងកូវីដ-១៩ សរុប៨៧៨នាក់ ដោយមាន៣៧៤នាក់ កើតចេញពីព្រឹត្តិការណ៍សហគមន៍២០កុម្ភៈ។ ក្នុងចំណោមអ្នកឆ្លងកូវីដ-១៩សរុបនេះ មាន៤៨២នាក់ បានជាសះស្បើយ៕