ស្រុតផ្លូវនៅខណ្ឌជ្រោយចង្វារ អភិបាលខណ្ឌសន្និដ្ឋានថា ទំនងមកពីការបាក់ច្រាំងទន្លេ

ជាតិ

ស្រុតផ្លូវនៅខណ្ឌជ្រោយចង្វារ អភិបាលខណ្ឌសន្និដ្ឋានថា ទំនងមកពីការបាក់ច្រាំងទន្លេ

06, Mar 2021 , 10:47 am

រូបភាព

ដោយ: ប៉ូ សាគុន

ភ្នំពេញ៖ អភិបាលខណ្ឌជ្រោយចង្វារលោក ឃ្លាំង ហួត បានប្រាប់សារព័ត៌មានថ្មីៗ តាមទូរសព្ទថា ករណីផ្លូវស្រុតនៅខណ្ឌជ្រោយចង្វារ លោកមិនបានដឹងពីមូលហេតុច្បាស់លាស់ឡើយ ប៉ុន្តែលោកសន្និដ្ឋានថា ទំនងមកពីការបាក់ច្រាំងទន្លេ។ ទោះជាយ៉ាងណា លោកថាបច្ចុប្បន្នខាងជំនាញសាធារណការក្រុង បានចុះទៅមើលទីតាំងកើតហេតុរួចហើយ។

បើតាមលោក ឃ្លាំង ហួត ផ្លូវស្រុតដែលនៅតាមបណ្ដោយផ្លូវទន្លេសាប គល់ស្ពានជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ មានទំហំជាងមួយម៉ែត្រការ៉េ។ ផ្លូវស្រុតនៅបានកើតឡើយនៅយប់ថ្ងៃទី៥ មីនា ឆ្នាំ២០២១។

«ឥឡូវហ្នឹងខាងជំនាញសាធារណការក្រុងបានចុះទៅមើលហើយ។ យើងប្រញាប់ជួយជុល ព្រោះបើមិនអ៊ីចឹងអាចមានគ្រោះថ្នាក់ ឥឡូវយើងបិទសិន។ អាចមកពីការបាក់ច្រាំងទន្លេ ព្រោះនៅនោះជិតមាត់ទន្លេ»។ នេះជាការបញ្ជាក់របស់អភិបាលខណ្ឌជ្រោយចង្វារ៕