កសិករ ឡុង គាន រកចំណូលបានជាង២លានរៀល ពីការយកស្រកីដូងផលិតជាជីកំប៉ុស្ត

ជាតិ

បទសម្ភាសន៍

វីដេអូ

កសិករ ឡុង គាន រកចំណូលបានជាង២លានរៀល ពីការយកស្រកីដូងផលិតជាជីកំប៉ុស្ត

07, Mar 2021 , 7:59 am

រូបភាព

ដោយ: អុីសា រ៉ហានី (Isa Rohany)

សៀមរាប៖ រយៈពេលជាង១ឆ្នាំមកហើយ ដែលលោក ឡុង គាន កសិករនៅភូមិអូរទទឹង ឃុំព្រះដាក់ ស្រុកបន្ទាយស្រី ចាប់ផ្តើមផលិតជីកំប៉ុស្ដ ដោយយកស្រកីដូង កិនលាយបញ្ចូលគ្នាជាមួយធាតុផ្សំផ្សេងៗ។ របរជាលក្ខណៈគ្រួសារនេះ ជួយឱ្យលោក ឡុង គាន រកចំណូលបានជាង២លានរៀលក្នុងមួយខែ បន្ថែមពីរបរដទៃ។

ដើម្បីជ្រាបច្បាស់សូមអញ្ជើញទស្សនាកិច្ចសម្ភាសរវាងក្រុមការងារ នៃសារព័ត៌មានថ្មីៗ ណិងលោក ឡុង គាន កសិករច្នៃស្រកីដូង ជាជីកំប៉ុសត្ត ក្នុងឃុំព្រះដាក់ដូចតទៅ៖

ផ្តើមពីការប៉ិនប្រសព្វ ជាមួយការងារកសិកម្ម លោក ឡុង គាន បានទាញឱកាសផលិតជីកំប៉ុស្ដលក់ ក្រោយពីមានការជំរុញបន្ថែម ពីគម្រោងអភិវឌ្ឍន៍កសិកម្មនៅក្នុងស្រុក។ អង្គការកសិកម្ម IDE បានជួយសម្រួលទិញសម្ភារ មានដូចជាម៉ាស៊ីនកិនស្រកីដូង និងជួយរកទីផ្សារជាដើម។

តាមការរៀបរាប់ពីកសិករ ឡុង គាន ធាតុផ្សំសំខាន់ៗ ដែលលោកយកមកផលិតជីកំប៉ុស្ដ រួមមាន ស្រកីដូង អង្កាម លាមកគោ និងលាយបញ្ចូលគ្នាជាមួយថ្នាំសម្លាប់រោគផ្សិត។ សម្រាប់បច្ចេកទេសវិញ គឺត្រូវយកស្រកីដូងកិន រួចរាងយកសាច់ម៉ដ្ឋ លាយជាមួយផេះអង្កាម លាមកគោ ដីលាយដែលមានជីវជាតិ និងថ្នាំសម្លាប់មេរោគផ្សិត។

សព្វថ្ងៃលោក ឡុង គាន ផលិតជីកំប៉ុស្ដនេះជាមួយប្រពន្ធ គឺបន្ទាប់បន្សំពីការងារកសិកម្មដទៃទៀត ដូចជាដាំបន្លែជាដើម។ ក្នុងមួយខែ កសិកររូបនេះអាចផលិតបានជីកំប៉ុស្ដទាំងលក់រាយនិងបោះដុំ ចន្លោះពី២០០ទៅ៣០០ការ៉ុងតូច ហើយក្នុងមួយការ៉ុងលក់បានពី៨ពាន់ទៅ១ម៉ឺនរៀល៕