ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ដោយមិនគិតអំពីកម្រិតនៃសកម្មភាពរាង្គកាយ ភេទ ឬ របៀបរស់នៅ របស់អ្នកក្នុងពេលបច្ចុប្បន្ន។ ទាំងនេះជាទម្លាប់ងាយៗ ដែលអ្នកអាចធ្វើបាន ដើម្បីសុខភាពអ្នករឹងមាំងជានិច្ច៖
១.ជ្រើសរើសរបបអាហារដែលមានសុខភាពល្អ
ការចូលចិត្តញ៉ាំ និង ការខ្វះការធ្វើលំហាត់ប្រាណ អាចឲ្យអ្នកទៅជាធាត់ ដុះក្បាលពោះ ដែលនេះ ជាស្ថានភាពមួយប្រមូលផ្ដុំដោយជំងឺជាច្រើនប្រភេទដូចជា ជំងឺលើសឈាម ជំងឺដាច់សសៃឈាមក្នុងខួរក្បាល ទឹកនោមផ្អែម និងជំងឺផ្សេងៗទៀត ។ ជ្រើសរើសអាហារដែលផ្ដល់ផលល្អដល់សុខភាព នៅក្នុងមុខម្ហូបប្រចាំថ្ងៃរបស់អ្នក ដោយទទួលទានបន្លែ និង ផ្លែឈើស្រស់ៗឲ្យបានច្រើន កាត់បន្ថយសាច់ ស្ករ និង អាហារចៀន ។ ប្រសិនបើអ្នកមានបំណងបង្កើនអាហារប្រឆាំងអុកស៊ីតកម្ម អ្នកត្រូវទទួលទានផ្លែឈើ និង បន្លែចម្រុះឲ្យបានច្រើន (ពី ៧ ទៅ ១០ មុខជារៀងរាល់ថ្ងៃ) ជាជាងការពឹងផ្អែកលើសារជាតិបន្ថែមសម្រាប់អាហារតែមួយនោះ។
២.ធ្វើលំហាត់ប្រាណ
ដំណើរការរំលាយអាហារក្នុងរាងកាយ កាន់តែចុះខ្សោយនៅពេលអ្នកឈានចូលវ័យចំណាស់ ដូចនេះវិធីសាស្ត្រតែមួយគត់ ក្នុងការបង្កើនល្បឿននៃការរំលាយអាហារ គឺការហាត់ប្រាណ ។
មិនថាអ្នកស្ថិតក្នុងវ័យណាទេ ការធ្វើលំហាត់ប្រាណដ៏ទៀងទាត់មួយ (៣០ នាទីជារៀងរាល់ថ្ងៃ ២-៣ ដងក្នុងមួយសប្ដាហ៍) ។
៣.ការត្រួតពិនិត្យសុខភាពឲទៀងទាត់
ការត្រួតពិនិត្យសុខភាពយ៉ាងទៀតទាត់ ដែលត្រូវធ្វើឡើងយ៉ាងហោចណាស់មួយឆ្នាំម្ដង មានសារៈសំខាន់ជាចាំបាច់ ដើម្បីថែទាំសុខភាពរបស់អ្នក ឲ្យស្ថិតក្នុងស្ថានភាពល្អប្រសើរ ថែមទាំងជួយបង្ការជំងឺនានានៅពេលអនាគតផងដែរ ។
៤.អនុវត្តវិធីសាស្ត្រការពារស្បែក
មហារីកស្បែក កើតចេញពីការខូច DNA នៅក្នុងកោសិកាស្បែក ដូចនេះ អ្នកត្រូវធ្វើការការពារឲ្យបានត្រឹមត្រូវបំផុតតាមលទ្ធភាពដែលអាចធ្វើបាន ជាពិសេសអ្នកដែលធ្វើការនៅក្រោមកម្ដៅថ្ងៃញឹកញាប់។
៥.គេងគ្រប់គ្រាន់
ការគេងបានគ្រប់គ្រាន់ នឹងជួយឲអ្នកស្រស់ស្រាយ មិនមានអារម្មណ៍ធុញថប់។ រាងកាយដែលបានសម្រាកជួយជួសជុល និង ព្យាបាលជាលិកា និងកោសិកានានា។ ប្រសិនបើអ្នក ទទួលទានដំណេកមិនគ្រប់គ្រាន់ នឹងបង្កើន ហានិភ័យនៃជំងឺបេះដូង និង លើសឈាម៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
