ពីនេះ ពីនោះ
«ស្វែងយល់»និង«ឈ្វេងយល់»ប្រើមួយណាទើបត្រូវ?
× «ស្វែង» និង«ឈ្វេង»គឺសុទ្ធតែជាពាក្យមាននៅក្នុងវចនានុក្រមខ្មែរសម្តេចព្រះសង្ឃរាជ ជួន ណាត។ ប៉ុន្តែពាក្យទាំងពីរនេះសម្រាប់ប្រើក្នុងន័យខុសគ្នា។
ពាក្យ «ស្វែង» មានន័យថា ស្វះពន្លះរក,សង្វាតរក,ខំប្រឹងរកឲ្យបានដូចបំណង។ ពាក្យ «ស្វែង» ប្រើជា ស្វែងស្វះក៏បាន ស្វែងស្វះក៏បានមានន័យថា ខំប្រឹងស្វះពន្លះរកក្នុងទីឆ្ងាយៗ។ ឧទាហរណ៍៖ ស្វែងរកអ្វីមួយឲ្យឃើញ។
ចំណែក ពាក្យ «ឈ្វេង» មានន័យថា ថ្លាជ្រះឥតមន្ទិល។ ពាក្យនេះ ប្រើជាមួយនឹងពាក្យ យល់។ ឧទាហរណ៍៖ ឈ្វេងយល់អ្វីមួយឲ្យបានច្បាស់លាស់។ ឈ្វេងយល់មានន័យថា រំពឹងគិតយល់ដោយប្រាជ្ញាដ៏ភ្លឺថ្លា៕
© រក្សាសិទ្ធិដោយ thmeythmey.com