តាមរយៈសេចក្តីជូនដំណឹង ចេញនៅថ្ងៃទី៨ ខែមីនា ឆ្នាំ២០២១ លោក ហង់ជួន ណារ៉ុន បញ្ជាក់ថា ការស្នើឲ្យផ្អាកអាជីវកម្មក្លិបហាត់ប្រាណ និងផ្អាកសកម្មភាពហាត់ប្រាណបែបនេះ ដោយក្រសួងសង្កេតឃើញស្ថានភាពនៃការឆ្លងជំងឹកូវីដ-១៩នៅតែបន្តរាតត្បាត។ ចំពោះ ការប្រកួតកីឡាដែលមានការចាក់ផ្សាយតាមទូរទស្សន៍ លោករដ្ឋមន្រ្តី នៅអនុញ្ញាតឲ្យបន្តដំណើរការដដែល។ 

 

ជាមួយគ្នានេះ លោក អំពាវនាវដល់ម្ចាស់អាជីវកម្មក្លិបហាត់ប្រាណ កីឡាករ កីឡាការិនី អ្នកលេងកីឡា អ្នកហាត់ប្រាណនានាចូលរួមអនុវត្ត និងគោរពតាមវិធានការណែនាំរបស់ក្រសួងសុខាភិបាលឲ្យបានខ្ជាប់ខ្ជួន ក្នុងការទប់ស្កាត់ជំងឺកូវីដ-១៩។ 

 

រហូតមកដល់ពេលនេះ ក្រសួងអប់រំ បានបិទសាលារៀន ដែលស្ថិតនៅរាជធានីភ្នំពេញ កណ្តាល និងព្រះសីហនុ ជាបណ្តោះអាសន្ន ដើម្បីទប់ស្កាត់កុំឲ្យជំងឺកូវីដ-១៩ ឆ្លងរាលដាលចូលសហគមន៍កាន់តែមានទ្រង់ទ្រាយធំ។ 

 

ក្រៅពីភ្នំពេញ ខេត្តកណ្តាល និង ព្រះសីហនុ នៅមានខេត្តមួយចំនួនទៀត ដែលមានករណីពាក់ព័ន្ធនឹងព្រឹត្តិការណ៍សហគមន៍២០កុម្ភៈនេះ ដូចជា ស្វាយរៀង ព្រៃវែង និង កំពង់ចាម ជាដើម។