លោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានបញ្ជាក់នៅក្នុងសេចក្តីជូនដំណឹងនាថ្ងៃទី៨ ខែមីនាថា សិស្សានុសិស្សដែលសិក្សានៅតាមសាលារៀនដែលបានបិទនេះ នឹងបន្តការរៀនតាមអនឡាញវិញ។

កន្លងមក ក្រសួងអប់រំ ក៏បានសម្រេចបិទសាលារៀនរដ្ឋ និងឯកជននៅរាជធានីភ្នំពេញ និងកណ្តាល និងព្រះសីហនុផងដែរ។ មកដល់ពេលនេះ កម្ពុជាមានករណីកូវីដ-១៩សរុប១០១១ករណី ដោយ ៥០១ករណីពាក់ព័ន្ធសហគមន៍២០កុម្ភៈ។ អ្នកសះស្បើយមាន ៥១៧ករណី ក្នុងនោះអ្នកជំងឺព្រឹត្តិការណ៍២០កុម្ភៈ មានចំនួន ៣១នាក់ដែលត្រូវបានអនុញាតឲ្យចេញពីមន្ទីរពេទ្យ៕