តាមការព្យាកររបស់ក្រសួងធនធានទឹក ចាប់ពីថ្ងៃទី១០ ដល់ថ្ងៃទី១៦ ខែមីនា បណ្ដាខេត្តនៅតំបន់វាលទំនាបកណ្ដាល នឹងមានសីតុណ្ហភាពអប្បបរមា រង្វង់ពី២៤-២៧អង្សាសេ ខណៈសីតុណ្ហភាពអតិបរមារង្វង់ពី៣៤-៣៧អង្សាសេ។ ចំពោះថ្ងៃទី១០ ដល់ថ្ងៃទី១២ ខែមីនា មានភ្លៀងផ្គររន្ទះ ពីខ្សោយទៅមធ្យម នៅបណ្ដាខេត្តភាគពាយ័ព្យ។
 

បណ្ដាខេត្តជាប់ជួរភ្នំដងរែក និងខ្ពង់រាបឦសាន សីតុណ្ហភាពអប្បបរមារង្វង់ពី ២៣-២៦អង្សាសេ។ សីតុណ្ហភាពអតិបរមា រង្វង់ពី៣៤-៣៧អង្សាសេ នៅថ្ងៃទី១០ ដល់ថ្ងៃទី១៦ ខែមីនា។ រីឯនៅថ្ងៃទី១០ ខែមីនា នឹងមានភ្លៀងផ្គរ រន្ទះ មានជាមធ្យមនៅខេត្តឧត្ដរមានជ័យ។ នេះបើតាមសេចក្តីជូនដំណឹងដដែល។ 
 

ដោយឡែកនៅតំបន់មាត់សមុទ្រ ចាប់ពីថ្ងៃទី១០ ដល់ថ្ងៃទី១៦ ខែមីនា សីតុណ្ហភាពអប្បបរមារង្វង់ពី ២៣-២៦អង្សាសេ។ សីតុណ្ហភាពអតិបរមារង្វង់ពី ២៣-៣៥អង្សាសេ និងមានភ្លៀងផ្គរ រន្ទះ ពីខ្សោយទៅមធ្យម៕