នគរបាលជាតិ ផ្សាយថា បច្ចុប្បន្ន កម្មករ-កម្មការិនីរងរបួសទាំងនោះ កំពុងសម្រាកព្យាបាលនៅមន្ទីរពេទ្យ។ នគរបាលជាតិ បានឲ្យដឹងទៀតថា ឧបទ្ទវហេតុក្រឡាប់រថយន្តដឹកកម្មករនេះ គឺកើតឡើងត្រង់ចំណុចគីឡូម៉ែត្រលេខ ១៥៧-១៥៨ ស្ថិតតាមបណ្ដោយផ្លូវជាតិលេខ១ នៅភូមិព្រៃផ្តៅ សង្កាត់ច្រកម្ទេស ក្រុងបាវិត។ 

 

បើតាមប្រភពដដែល មូលហេតុ គឺដោយសារតែរថយន្តដឹកកម្មករ គេចពីរថយន្តមួយផ្សេងទៀត ដែលស្ថិតនៅពីខាងមុខ ហើយរថយន្តដឹកកម្មករ ក៏បានរេចង្កូតក្រឡាប់ទៅខាងឆ្វេងផ្លូវ និងបានបោកប៉ះនឹងដើមឈើ។ កម្មកររងរបួសទាំង៤៤នាក់ មានស្រ្តី៤០នាក់ ហើយក្នុងនោះ កម្មករជាស្រ្តី៣នាក់ និងកម្មករជាបុរសម្នាក់ បានរងរបួសធ្ងន់។  

 

យ៉ាងណា លោក ប៉ាវ ស៊ីណា ប្រធានសហជីពកម្មករនៅកម្ពុជា បានអះអាងលើទំព័រហ្វេសប៊ុករបស់លោកថា យ៉ាងហោចណាស់ មានកម្មករ-កម្មការិនីប្រមាណ៦០នាក់ បានរងរបួសធ្ងន់ស្រាល ក្នុងហេតុការណ៍ក្រឡាប់រថយន្តនេះ៕