COVID-19
ជាតិ
×![]()
ដោយ: ធឿន បញ្ញាឬទិ្ធ
ភ្នំពេញ៖ អ្នកជាសះស្បើយពីជំងឺកូវីដ-១៩ អាចចាក់វ៉ាក់សាំងវិញបាន។ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល ថ្លែងបែបនេះ នៅក្នុងសន្និសីទកាសែតស្តីពីច្បាប់ «វិធានការទប់ស្កាត់ឆ្លងរាលដាលនៃជំងឺកូវីដ-១៩» នៅព្រឹកថ្ងៃទី១៥ មីនា។
លោកស្រី ឱ វណ្ណឌីន បានបកស្រាយដោយយោងតាមការសិក្សារបស់អង្គការសុខភាពពិភពលោកថា អ្នកជំងឺកូវីដ-១៩ ដែលជាសះស្បើយវិញ រយៈពេលពី៦ខែឡើងទៅ នឹងអាចចាក់វ៉ាក់សាំងបង្ការជំងឺកាចសាហាវនេះបាន។
ដោយឡែកអ្នកស្ថិតនៅក្នុងស្ថានភាពសង្ស័យ ឬផ្ទុកជំងឺកូវីដ-១៩ មិនអាចចាក់វ៉ាក់សាំងបង្ការបានឡើយ ដោយរង់ចាំទាល់តែព្យាបាលជាសះស្បើយពីជំងឺនេះ។ នេះបើតាមអ្នកនាំពាក្យក្រសួងសុខាភិបាល ។
កម្ពុជា មានពលរដ្ឋទូទៅ និង កងកម្លាំងយោធាចំនួន ២៧៩,៣០៧នាក់ហើយ ដែលបានចាក់វ៉ាក់សាំងការពារជំងឺកូវីដ-១៩របស់ចិនSinopharm និងវ៉ាក់សាំងAstra Zeneca ផលិតនៅប្រទេសឥណ្ឌា។ នេះបើយោងតាមទន្និន័យផ្សេងពីគ្នារបស់ក្រសួងសុខាភិបាល និងក្រសួងការពារជាតិ។
គិតត្រឹមថ្ងៃទី១៥ មីនានេះ កម្ពុជា មានអ្នកជំងឹកូវីដ-១៩ ចំនួន១,៣២៥នាក់ ក្នុងនោះជាសះស្បើយ ៧៣០នាក់ ។ ក្នុងចំណោមអ្នកជំងឺទាំងនោះ មានអ្នកឆ្លង៨១០នាក់ នៃក្នុងព្រឹត្តិការណ៍២០កុម្ភៈ ៕
Tag:
COVID-19
© រក្សាសិទ្ធិដោយ thmeythmey.com
