ដោយ៖ ជា យូគៀង

Lichtsteiner ជាធ្លាប់ប្រកអាជីពជាមួយ Juventus រយៈពេល៧រដូវកាល មុនផ្លាស់ទៅចូលរួមជាមួយកាំភ្លើងធំនៅឆ្នាំ២០១៨ បានចាប់ផ្តើមចូលរៀនវគ្គកម្មសិក្សាជួសជុលនាឡិកាដែរមានរយៈពេល៦ខែជាមួយក្រុមហ៊ុននាឡិការដ៏ល្បីរបស់ស្វ៊ីស Maurice de Mauriac។ នេះបើតាមការចុះផ្សាយរបស់កាសែត Daily Mail ថ្ងៃទី១៥ ខែមីនា។
 

អតីតខ្សែការពារ វ័យ៣៧ឆ្នាំដែរធ្លាប់បង្ហាញខ្លួន១០៨ដងឱ្យក្រុមជម្រើសជាតិស្វ៊ីសរូបនេះបាននិយាយថា៖ «ខ្ញុំចង់ធ្វើអ្វីមួយដែរមានផលិតភាព។ បើសិនជាអ្នកធ្វើការនៅធនាគារអ្នកត្រូវធ្វើវារហូតសម្រាប់ជីវិតអ្នក តែបើអ្នកជាកីឡាករបាល់ទាត់នោះនៅពេលអ្នកដល់វ័យលើសពី៣០ឆ្នាំទៅ អ្នកនឹងត្រូវស្វែករកអ្វីផ្សេងសម្រាប់ធ្វើនៅពេលចូនិវត្តន៍»។ 
 

Lichtsteiner ដែលផ្លាស់ទៅទឹកដីអង់គ្លេសបានមួយរដូវកាលមុនចាកចេញទៅ FC Augsburg បន្ថែមថា រូបគេនឹងធ្វើនាឡិកាក្នុងអំឡុងពេលហាត់ការនៅក្រុមហ៊ុនហើយលក់ចេញយកប្រាក់ដើម្បីសប្បុរសធម៍។ បន្ទាប់ពីនោះ រូបគេដាក់គោលដៅក្លាយជាអ្នកផលិតនាឡិកាពេញម៉ោង ដោយមិនមានបំណងចង់វិលត្រលប់ចូលវិស័យកីឡាវិញនោះទេ៕