Lewis Hamilton ម្ចាស់ការពារតំណែងជើងឯកប្រណាំងរថយន្ត Formula One នៅតែបង្ហាញភាពខ្លាំងរបស់ខ្លួន បន្ទាប់ពីយកឈ្នះការប្រណាំងបើកឆាកសម្រាប់រដូវកាលឆ្នាំ២០២១ នៅទីលាន Bahrain Grand Prix ប្រទេសបារ៉ែន។
នាការប្រណាំង F1 នៅទីលានដំបូងរដូវកាលថ្មី នាថ្ងៃទី២៨ ខែមីនា ជាមួយអ្នកទស្សនាផ្ទាល់មួយចំនួន ដែលរដូវកាលមុនត្រូវប្រកួតដោយបិទកីឡដ្ឋានដោយសារ COVID-19 អ្នកប្រណាំងសញ្ជាតិអង់គ្លេស Hamilton ដែលបើកបរឱ្យក្រុម Mercedes បានប្រជែងឈ្នះ Max Verstappen ដើម្បីសម្រេចទីមុនគេ ដោយប្រើថេរវេលា១ម៉ោង ៣២នាទី និង៣វិនាទី។