កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Real Sociedad បានក្លាយជាម្ចាស់ជើងឯក Copa del Rey រដូវកាល ២០១៩-២០ ជាលើកដំបូងក្រោយរង់ចាំអស់រយៈពេល៣៤ឆ្នាំ បន្ទាប់ពីយកឈ្នះ Athletic Bilbao ១-០ នៅវគ្គផ្តាច់ព្រ័ត្រនៅរាត្រីថ្ងៃទី៣ ខែមេសា។ Athletic Bilbao នៅមានឱកាសដណ្តើមពាន Copa del Rey សម្រាប់រដូវកាលនេះ ជាមួយ Barcelona នៅវគ្គផ្តាច់ព្រ័ត្រមួយប្រកួតទៀត។
Mikel Oyarzabal ជាអ្នកបញ្ចប់ទីគ្រាប់បាល់ជ័យជម្នះដោយការទាត់បាល់ពិន័យប៉េណាល់ទីនៅនាទី៦៣ ដើម្បីជួយ Real Sociedad ឈ្នះពានរង្វាន់ Copa del Rey សម្រាប់រដូវកាល ២០១៩-២០។ ដើមឡើយក្រុមទាំងពីរត្រូវប្រកួតផ្តាច់ព្រ័ត្រនៅថ្ងៃទី១៨ ខែមេសា ឆ្នាំ២០២០ ឯណោះទេ តែដោយសារបញ្ហាកូវីដ-១៩ ទើបពន្យារទៅធ្វើនៅឆ្នាំ២០២១នេះវិញ។
នេះជាការទទួលបានពាន Copa del Rey លើកដំបូងរបស់ Sociedad ចាប់តាំងពីពួកគេឈ្នះលើកចុងក្រោយនៅរដូវកាលឆ្នាំ ១៩៨៦-៨៧។ David Silva អតីតខ្សែបម្រើក្រុម Manchester City រួមជាមួយអតីតខ្សែការពារក្រុម Arsenal កីឡាករ Nacho Monreal បានរួមចំណែកយ៉ាងសំខាន់ដើម្បីជួយ Sociedad លើកពានលំដាប់កំពូលមួយរបស់អេស្ប៉ាញនេះ។
ដោយឡែកការប្រកួតវគ្គផ្តាច់ព្រ័ត្រ Copa del Rey សម្រាប់រដូវកាល ២០២០-២១ Athletic Bilbao ដដែលនេះនឹងត្រូវប៉ះ Barcelona មួយប្រកួតទៀតនៅរាត្រីថ្ងៃទី១៧ ខែមេសា ឆ្នាំ២០២១។ Athletic Bilbao ដែលឡើងវគ្គផ្តាច់ព្រ័ត្រពីររដូវកាលជាប់គ្នានេះ អាចស្គាល់បានជ័យជម្នះដែលឬទេក្រោយអាក់ខាន៣៧ឆ្នាំ ពោលគឺចាប់តាំងពីរដូវកាល ១៩៨៣-៨៤៕
Mikel Oyarzabal ជាអ្នកបញ្ចប់ទីគ្រាប់បាល់ជ័យជម្នះដោយការទាត់បាល់ពិន័យប៉េណាល់ទីនៅនាទី៦៣ ដើម្បីជួយ Real Sociedad ឈ្នះពានរង្វាន់ Copa del Rey សម្រាប់រដូវកាល ២០១៩-២០។ ដើមឡើយក្រុមទាំងពីរត្រូវប្រកួតផ្តាច់ព្រ័ត្រនៅថ្ងៃទី១៨ ខែមេសា ឆ្នាំ២០២០ ឯណោះទេ តែដោយសារបញ្ហាកូវីដ-១៩ ទើបពន្យារទៅធ្វើនៅឆ្នាំ២០២១នេះវិញ។
នេះជាការទទួលបានពាន Copa del Rey លើកដំបូងរបស់ Sociedad ចាប់តាំងពីពួកគេឈ្នះលើកចុងក្រោយនៅរដូវកាលឆ្នាំ ១៩៨៦-៨៧។ David Silva អតីតខ្សែបម្រើក្រុម Manchester City រួមជាមួយអតីតខ្សែការពារក្រុម Arsenal កីឡាករ Nacho Monreal បានរួមចំណែកយ៉ាងសំខាន់ដើម្បីជួយ Sociedad លើកពានលំដាប់កំពូលមួយរបស់អេស្ប៉ាញនេះ។
ដោយឡែកការប្រកួតវគ្គផ្តាច់ព្រ័ត្រ Copa del Rey សម្រាប់រដូវកាល ២០២០-២១ Athletic Bilbao ដដែលនេះនឹងត្រូវប៉ះ Barcelona មួយប្រកួតទៀតនៅរាត្រីថ្ងៃទី១៧ ខែមេសា ឆ្នាំ២០២១។ Athletic Bilbao ដែលឡើងវគ្គផ្តាច់ព្រ័ត្រពីររដូវកាលជាប់គ្នានេះ អាចស្គាល់បានជ័យជម្នះដែលឬទេក្រោយអាក់ខាន៣៧ឆ្នាំ ពោលគឺចាប់តាំងពីរដូវកាល ១៩៨៣-៨៤៕
Tag:
Real Sociedad
Copa del Rey
© រក្សាសិទ្ធិដោយ thmeythmey.com
