COVID-19
ជាតិ
ករណីស្លាប់ទី២៥ដោយសារកូវីដ-១៩ នៅកម្ពុជា៖ ស្ត្រីខ្មែរវ័យ៥៥ឆ្នាំ អាជ្ញាធរ ដើរបាញ់ថ្នាំសម្លាប់មេរោគ នៅផ្សារអូរឫស្សី រាជធានីភ្នំពេញ។ រូបពី AFP
× ក្រសួងសុខាភិបាល នៅយប់ថ្ងៃទី៩ ខែមេសានេះ បានប្រកាសពីករណីស្លាប់ទី២៥ដោយសារកូវីដ-១៩នៅកម្ពុជា ដោយអ្នកជំងឺជាស្ត្រីខ្មែរវ័យ៥៥ឆ្នាំ រស់នៅសង្កាត់ព្រែកលាប ខណ្ឌជ្រោយចង្វា រាជធានីភ្នំពេញ។
ស្ត្រីខាងលើមានវិជ្ជមានកូវីដ-១៩ កាលពីថ្ងៃទី៣០ ខែមិនា ហើយត្រូវបានបញ្ជូនទៅព្យាបាលនៅមន្ទីរពេទ្យមិត្តភាពខ្មែរ-សូវៀត។ គាត់បានទទួលមរណភាពនាវេលាម៉ោង២ និង៥៦នាទី ថ្ងៃទី៩ ខែមេសា។
តាមការសន្និដ្ឋានរបស់គ្រូពេទ្យ គាត់បានស្លាប់ដោយខ្សោយសួតធ្ងន់ធ្ងរ រលាកសួតសងខាង លើជំងឺអ្នកមានទឹកនោមផ្អែម។
មកដល់ពេលនេះ កម្ពុជា មានអ្នកស្លាប់ដោយសារជំងឺកូវីដ-១៩ ចំនួន២៥នាក់៕ © រក្សាសិទ្ធិដោយ thmeythmey.com