នៅថ្ងៃទី១១ មេសា គណៈកម្មការចំពោះកិច្ចចាក់វ៉ាក់សាំងកូវីដ-១៩ បានរកឃើញលោក ប៉ាន់ សុវណ្ណរិទ្ធិ ជាមនុស្សទី១លាន ដែលបានស្ម័គ្រចិត្តវ៉ាក់សាំងបង្ការជំងឺកូវីដ-១៩ ក្នុងប្រទេសកម្ពុជា ដែលមានមុខរបរជាអ្នកលក់ដូរតាមហាង។ បុរសរូបនេះមានអាយុ ៣៦ឆ្នាំ មានទីលំនៅក្នុង ខណ្ឌព្រែកព្រីង២ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

 

លោក ប៉ាន់ សុវណ្ណរិទ្ធិ បានទៅទទួលវ៉ាក់សាំង នៅថ្ងៃទី១១ មេសា ឆ្នាំ២០២១ នៅសាលាសន្ធរម៉ុក សង្កាត់ទឹកល្អក់១ រាជធានីភ្នំពេញ។

 

គិតត្រឹមថ្ងៃទី១១ មេសា ចំនួនអ្នកចាក់វ៉ាក់សាំងកើនដល់ ១ ០១៨ ៦០៥នាក់។ ក្នុងនោះប្រជាពលរដ្ឋទូទៅមានចំនួនសរុប ៧៧៩ ៨២៦នាក់ និងកងកម្លាំងយោធាមានចំនួនសរុប ២៣៨ ៧៧៩នាក់។ នេះបើតាមរបាយការណ៍របស់ក្រសួងសុខាភិបាល និងក្រសួងការពារជាតិ នៅថ្ងៃទី១១ មេសា៕