COVID-19
ជាតិ
អាជ្ញាធរខេត្តព្រះវិហារ៖ រឿងស្ត្រីម្នាក់តេស្ត៥លើកទើបឃើញកូវីដ-១៩ ជាព័ត៌មានមិនពិត
ក្រុមគ្រូពេទ្យ និងអ្នកជំងឺស្រីដំបូង ដែលរកឃើញវិជ្ជមានកូវីដ-១៩ ជាករណីសហគមន៍ដំបូងនៅខេត្តព្រះវិហារ។ រូបភាព៖ ហ្វេសប៊ុកមន្ទីរពេទ្យបង្អែកខេត្ត ១៦មករា ខេត្តព្រះវិហារ
×![]()
ដោយ: ឡាយ សុភាវតី
រដ្ឋបាលខេត្តព្រះវិហា បានបដិសេធចំពោះព័ត៌មានដែលថា ស្ត្រីម្នាក់ត្រូវបានរកឃើញវិជ្ជមានកូវីដ-១៩ នៅខេត្តព្រះវិហារ ក្រោយធ្វើតេស្ត លើកទី៥។ លោក យុទ្ធ គីមអឿន អ្នកនាំពាក្យរដ្ឋបាលខេត្តព្រះវិហា បញ្ជាក់ប្រាប់សារព័ត៌មានថ្មីៗថា អ្នកជំងឺរូបនេះ មិនមានប្រវត្តិធ្វើតេស្តរកកូវីដ-១៩ ពីមុនមកទេ។ «មិនមែនតេស្តលើកទី៥ទេ ទើបតេស្តលើកដំបូងទេ។ ខេត្តបានចេញសេចក្តីប្រកាសព័ត៌មានមួយហើយជូនសាធារណជន។ តាមពិតគេតេស្តជាគោលការណ៍ស្ថាប័ន គេតេស្តតែ៣លើកទេ។ គេតេស្តថ្ងៃទី១៣ចុងក្រោយហ្នឹង បើអវិជ្ជមាន៣លើកហ្នឹងជាប់ៗគ្នា។ តែ៣លើកហ្នឹងហើយ គាត់អត់មានកូវីដ-១៩ហើយ។ គេមិនអាចតេស្តគាត់ដល់៥លើកទេ»។ នេះជាការបញ្ជាក់របស់ លោក គីមអឿន។ 
ទោះយ៉ាងណា អ្នកនាំពាក្យរូបនេះ អះអាងថា អ្នកជំងឺកូវីដ-១៩ ដែលជាករណីឆ្លងដំបូងពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ នៅក្នុងខេត្តព្រះវិហារនេះ ធ្លាប់បានដាក់ខ្លួនឱ្យនៅដាច់ដោយឡែកពីគេ អំឡុងពេលស្នាក់នៅភ្នំពេញ។
រដ្ឋបាលខេត្តព្រះវិហារ បានប្រកាសពីការរកឃើញអ្នកឆ្លងកូវីដ-១៩ ចំនួន១នាក់ នៅថ្ងៃទី១២មេសា ដែលជាករណីដំបូងនៅក្នុងខេត្តនេះ ចាប់តាំងពីផ្ទុះព្រឹត្តិការណ៍សហគមន៍ ២០កុម្ភៈមក។ អ្នកមានវិជ្ជមាន កូវីដ-១៩ ដំបូងនេះជាស្ត្រីអាយុ ២៩ឆ្នាំ រស់នៅឃុំពោធិ៍ ស្រុកត្បែងមានជ័យ ដែលបានធ្វើដំណើរពីរាជធានីភ្នំពេញ។ បច្ចុប្បន្ន អ្នកជំងឺត្រូវបានបញ្ជូនទៅព្យាបាលនៅមន្ទីរពេទ្យបង្អែក ១៦ មករា ខេត្តព្រះវិហារ។
តាមសេចក្តីប្រកាសព័ត៌មានរបស់រដ្ឋបាលខេត្ត នៅថ្ងៃទី១៣មេសានេះ សមាជិកគ្រួសារដែលបានពាក់ព័ន្ធនឹងអ្នកជំងឺ កំពុងធ្វើចត្តាឡីស័ក ខណៈអាជ្ញាធរ កំពុងស្វះស្វែងស្រាវជ្រាវរកអ្នកពាក់ព័ន្ធនឹងអ្នកជំងឺរូបនេះ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
