«ក្រុមការងារបានរួមគ្នាធ្វើការទាំងយប់ទាំងថ្ងៃ ដើម្បីធ្វើយ៉ាងណាឲ្យការរៀបចំអគារមួយចំនួននៅកោះពេជ្រជាមណ្ឌលព្យាបាលជំងឺកូវីដ-១៩ អាចដំណើរការត្រៀមទទួលព្យាបាលអ្នកជំងឺក្នុងរយៈពេល ៨០ម៉ោង»។ នេះជាសាររៀបរាប់របស់ក្រុមគ្រូពេទ្យស្ម័គ្រចិត្តTYDAលើទំព័រហ្វេសប៊ុក។ 

 

ក្រុមគ្រូពេទ្យស្ម័គ្រចិត្តTYDA យល់ឃើញថាដ្បិតមានមណ្ឌលព្យាបាលជំងឺកូវីដ១៩នៅសាលកោះពេជ្រអាចព្យាបាលអ្នកជំងឺកូវីដ១៩ ប៉ុន្តែមិនអាចទប់ស្កាត់ឬបញ្ចប់ការរីករាលដាលនៃជំងឺនេះបានឡើយ។

 

ក្រុមគ្រូពេទ្យTYDA បានអំពាវនាវដល់ពលរដ្ឋអនុវត្តតាមវិធានការរបស់ក្រសួងសុខាភិបាល ការណែនាំ និងបម្រាមផ្សេងៗរបស់រដ្ឋាភិបាល ដើម្បីរួមគ្នាកម្ចាត់ និងទប់ស្កាត់ជំងឺកូវីដ-១៩កុំឲ្យរាលដាលកាន់តែខ្លាំងឡើង។ 

 

បច្ចុប្បន្ននៅមណ្ឌលព្យាបាលអ្នកជំងឺកូវីដ-១៩ នៅសាលមង្គលការកោះពេជ្រនេះមាន

គ្រែចំនួន ១៨០០ ដែលអាចព្យាបាលអ្នកជំងឺកូវីដ-១៩ក្នុងកម្រិតស្រាលបាន១៨០០នាក់។ 

 

កន្លងមករាជរដ្ឋាភិបាលក៏បានរៀបចំសណ្ឋាគារក្រេតឌុក មន្ទីរពេទ្យហ្លួងម៉ែ សាលារៀនមួយចំនួន និងទីតាំងឯកជនមួយចំនួនសម្រាប់ព្យាបាលអ្នកជំងឺកូវីដ-១៩៕