បើតាមសេចក្ដីប្រកាសព័ត៌មានរបស់ សហព័ន្ធស្រូវអង្ករកម្ពុជា កម្ពុជាមានស្រូវអង្ករ ដែលបានសន្សំជាង ២.៥លានហិកតា។ ចំណែកស្រូវរដូវប្រាំងជាង ១លានហិកតា កំពុងប្រមូលផលបាន ៩០ភាគរយ​ ដែលទិន្នន័យនេះអាចផ្គត់ផ្គង់តម្រូវការក្នុងស្រុកបានគ្រប់គ្រាន់ និងអាចមានលទ្ធភាពនាំចេញទៅក្រៅប្រទេស។
 

ក្នុងពេលរាជរដ្ឋាភិបាលសម្រេចឱ្យមានការបិទខ្ទប់ រាជធានីភ្នំពេញ​ និងក្រុងតាខ្មៅ សហព័ន្ធស្រូវអង្ករកម្ពុជា នឹងបញ្ចេញអង្ករលក់បន្ថែមទៀត លើទីតាំងដែលមានស្រាប់។ សម្រាប់តម្លៃអង្ករមិនមែនការឡើងថ្លៃនោះទេ។ ដូច្នេះពលរដ្ឋកុំបារម្ភរឿងកង្វះស្រូវអង្ករ ហើយនាំគ្នាសម្រុកទិញ ដែលអាចធ្វើឱ្យឈ្មួញឆ្លៀតឱកាសដំឡើងថ្លៃអង្ករ ក្នុងពេលភ្នំពេញ និងក្រុងតាខ្មៅត្រូវបានបិទខ្ទប់នេះ ។ 
 

គួរបញ្ជាក់ផងដែរថា រដ្ឋាភិបាលកម្ពុជា សម្រេចឱ្យបិទខ្ទប់រាជធានីភ្នំពេញ និងភូមិសាស្ត្រក្រុងតាខ្មៅ ខេត្តកណ្ដាល រយៈពេល១៤ថ្ងៃ ដោយចាប់ពីថ្ងៃទី១៥ ដល់២៨ ខែមេសា ឆ្នាំ២០២១។ យ៉ាងណាមិញ រដ្ឋាភិបាល ក៏បានអនុញ្ញាតឱ្យប្រជាពលរដ្ឋអាចចេញទៅទិញទំនិញ ដែលជាតម្រូវការ ដោយក្នុងមួយគ្រួសារមិនអាចចេញលើសពី ២នាក់ និងមិនឱ្យលើស ៣ដង ក្នុងមួយសប្តាហ៍៕