កម្ពុជាទទួលបានចំណូលជាង១ពាន់លានដុល្លារពីការនាំចេញកសិផល នៅត្រីមាសទី១ឆ្នាំ២០២១

ជាតិ

កម្ពុជាទទួលបានចំណូលជាង១ពាន់លានដុល្លារពីការនាំចេញកសិផល នៅត្រីមាសទី១ឆ្នាំ២០២១

16, Apr 2021 , 10:29 pm

រូបភាព

ដោយ:

ភ្នំពេញ៖ ក្នុងត្រីមាសទី១ ឆ្នាំ២០២១ កម្ពុជាទទួលបានចំណូលសរុបចំនួន ១.០១៤,១២ លានដុល្លារ ពីការនាំចេញកសិផលទៅកាន់ទីផ្សារអន្តរជាតិ។ បើប្រៀបធៀបរយៈពេលដូចគ្នានៅឆ្នាំ២០២០ មានការកើនឡើង ៤១៨,៨៤លានដុល្លារ ស្មើនឹង៧០.៣៦ភាគរយ។ នេះបើតាមរបាយការបូកសរុបការងាររបស់នាយកដ្ឋានគយនិងរដ្ឋាករកម្ពុជា នៅថ្ងៃទី១២ មេសា ឆ្នាំ២០២១។

បើតាមរបាយការណ៍របស់នាយកដ្ឋានគយ និងរដ្ឋាករកម្ពុជា កសិផលទាំងនោះរួមមាន ការនាំចេញស្រូវមានចំនួន ១.២៣លានតោន គិតជាទឹកប្រាក់ ៣១៦.០៣លានដុល្លារ ប្រៀបធៀបរយៈពេលដូចគ្នាការនាំចេញស្រូវមានការកើនឡើងចំនួន ៦៩៣.៣៥ពាន់តោន ឬ២០៨.៤៣លានដុល្លារ។ ចំណែកការនាំចេញអង្ករសម្រេចបានចំនួន ១៥៥.៧៥ពាន់តោន គិតជាទឹកប្រាក់ ១០៩.៨០លានដុល្លារ ប្រៀបធៀបរយៈពេលដូចគ្នាមានការថយចុះ៥៣.៣៧ពាន់តោន ឬ ៣៦.០៣លានដុល្លារ។

រីឯការនាំចេញកៅស៊ូមានចំនួន ៦១.៩៣ពាន់តោន គិតជាទឹកប្រាក់ ៩៣.០៤លានដុល្លារ។ ដោយឡែកការនាំចេញកសិផលផ្សេងៗទៀតមានចំនួន ២.៦៨លានតោន គិតជាទឹកប្រាក់ ៤៩៥.២៦លានដុល្លារ៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

1 សប្តាហ៍

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

4 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

6 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

2 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

4 ថ្ងៃ

អត្ថបទពេញនិយមបន្ថែម