COVID-19
ជាតិ
៦១៨នាក់ទៀតតេស្តវិជ្ជមានកូវីដ-១៩ រីឯអ្នកស្លាប់ឡើងដល់៤៣នាក់នៅកម្ពុជា រថយន្តដឹកអ្នកជំងឺកូវីដ-១៩ ចូលសម្រាកព្យាបាលនៅមណ្ឌលកោះពេជ្រកន្លងមក។
× មនុស្សរហូតដល់ទៅ៦១៨នាក់ទៀត តេស្តវិជ្ជមានកូវីដ-១៩នៅកម្ពុជា ដែលនេះជាចំនួនដ៏ខ្ពស់បំផុតដែលត្រូវបានប្រកាសប្រចាំថ្ងៃ។ តួលេខភាគច្រើនបំផុតនៅរាជធានីភ្នំពេញ។ ជាមួយគ្នានេះ អ្នកសះស្បើយមាន៦០នាក់ បន្ថែមទៀត។ អ្នកស្លាប់ថ្មីមាន៤នាក់ទៀតដែលធ្វើឲ្យចំនួនសរុបឡើងដល់៤៣នាក់។
ទាំង៦១៨ករណី សុទ្ធតែពាក់ព័ន្ធសហគមន៍២០កុម្ភៈ ដោយភ្នំពេញមាន៤៩៣ករណី ក្នុងនោះស្លាប់១នាក់។ អ្នកជំងឺនៅភ្នំពេញ មានខ្មែរ៤៨៤នាក់ ចិន៧នាក់ ហ្វីលីពីន១នាក់ និងអាមេរិក១នាក់។
ខេត្តព្រះសីហនុ មាន៧៥នាក់ ខេត្តកណ្តាលមាន៣១នាក់ ខេត្តស្វាយរៀងមាន៨នាក់ ខេត្តព្រៃវែងមាន៥នាក់ ខេត្តកំពង់ស្ពឺមាន៣នាក់ ខេត្តតាកែវមាន២នាក់ និងខេត្តកំពង់ចាមមាន១នាក់។
អ្នកសះស្បើយថ្មីមាន៦០នាក់ ដោយម្នាក់ជាជនជាតិឥណ្ឌូណេស៊ី ដែលជាករណីនាំចូល និង៥៩នាក់ពាក់ព័ន្ធសហគមន៍ (២នាក់នៅកោះកុង ២នាក់នៅកំពង់ចាម ១នាក់នៅព្រៃវែង ៤នាក់នៅស្វាយរៀង ៣១នាក់នៅព្រះសីហនុ និង៣៧នាក់នៅភ្នំពេញ។
គិតមកដល់ពេលនេះ កម្ពុជាមានករណីសរុប៦៣៨៩ករណី ក្នុងនោះ៥៨៤៦នាក់ពាក់ព័ន្ធសហគមន៍។ អ្នកសះស្បើយមាន២៤៧៦នាក់ និងស្លាប់ឡើងដល់៤៣នាក់៕
© រក្សាសិទ្ធិដោយ thmeythmey.com