ករណីឆ្លងកូវីដ-១៩ ប្រចាំថ្ងៃនៅឥណ្ឌា ហាក់មិនបានថមថយឡើយ ដ្បិតប្រទេសអាស៊ីខាងត្បូងមួយនេះ បានចាប់ផ្តើមយុទ្ធនាការចាក់វ៉ាក់សាំងក៏ដោយ។ តាមទិន្នន័យរបស់ក្រសួងសុខាភិបាលឥណ្ឌា ដែលចេញផ្សាយនៅថ្ងៃទី១៨ ខែមេសា ឥណ្ឌាមានករណីឆ្លងកូវីដ-១៩ ចំនួន ២៦១៥០០ករណី និងអ្នកស្លាប់បានហក់ឡើងដល់ ១៥០១នាក់ ក្នុងមួយថ្ងៃ។ នេះបើតាមការចុះផ្សាយរបស់ទីភ្នាក់ងារព័ត៌មាន Reuters។ 

 

តួលេខឆ្លងកូវីដ-១៩ សរុបឥណ្ឌាមានជាង ១៤លាននាក់ ដែលឈរនៅលំដាប់ទី២ បន្ទាប់អាមេរិក។ ចំណែកអ្នកស្លាប់មានសរុបមានចំនួន ១៧៧១៦៨នាក់ ខណៈអ្នកជាសះស្បើយមានចំនួនជាង ១២លាននាក់។ 

 

ស្របគ្នានេះដែរ ឥណ្ឌា ក៏បានផ្តល់វ៉ាក់សាំងឱ្យប្រជាជនបានជាច្រើនលានដូសផងដែរ។ មកទល់ពេលនេះ ឥណ្ឌាបានចាក់វ៉ាក់សាំងប្រឆាំងកូវីដ-១៩ ឱ្យប្រជាជនខ្លួន បានចំនួនជាង ១២២លានដូស៕