ក្នុងចំណោមអ្នកជំងឺទាំង១,៨៧៦នាក់នោះ មានមនុស្ស៤៣៤នាក់ ពាក់ព័ន្ធនឹងផ្សារអូរឬស្សី,មនុស្ស២៥៣នាក់ នៅផ្សារដើមគរ, មនុស្ស៩១នាក់នៅផ្សារនាគមាស, មនុស្ស១៧នាក់នៅផ្សារបឹងត្របែក និងមនុស្ស១,០៨១នាក់ ផ្ទុះចេញពីរោងចក្រមួយចំនួន ក្នុងរាជធានីភ្នំពេញ។ នេះបើតាមប្រភពខាងលើ។ 

 

ក្រុមការងារស្រាវជ្រាវជំងឺកូវីដ-១៩បានអំពាវនាវដល់ពលរដ្ឋ អាជីវករ ក្រុមគ្រួសារ ឬអ្នកស្នាក់នៅជាមួយកម្មករកម្មការិនីរោងចក្រ ដែលពាក់ព័ន្ធនឹងអ្នកជំងឺកូវីដ-១៩ ឬអ្នកមានរោគសញ្ញា រួសរាន់ប្រញាប់ទៅធ្វើតេស្តមេរោគកាចសាហាវនេះ។ 

 

ដើម្បីទប់ស្កាត់ជំងឺកូវីដ-១៩ រាជរដ្ឋាភិបាលបានសម្រេចចិត្តបិទក្រុងតាខ្មៅ និងភ្នំពេញរយៈពេល២សប្តាហ៍ ចាប់ពីយប់ថ្ងៃទី១៥ រហូតដល់ថ្ងៃទី២៨ ខែមេសា និងបានកំណត់ភូមិសាស្ត្រខ្លះជាតំបន់ក្រហម ដោយមិនអនុញ្ញាតឲ្យពលរដ្ឋធ្វើដំណើរ និងចេញពីផ្ទះឡើយ។ ទន្ទឹមនេះផ្សារធំៗក្នុងរាជធានីភ្នំពេញ និងផ្សារតាមបណ្តាខេត្ត ហើយតំបន់ផ្សេងៗទៀតក៏បានបិទខ្ទប់ផងដែរ៕