ការផ្ដល់វ៉ាក់សាំងនេះ ជាដំណាក់កាលទី២ហើយ ក្រោយចិនបានវ៉ាក់សាំងជំងឺសាទឹក និងអ៊ុតក្ដាម ដំណាក់កាលទី១ ចំនួន១០ម៉ឺនដូស កាលពីថ្ងៃទី១២ ខែមករា ឆ្នាំ២០២១ ។ បើតាមលោក វេង សាខុន ដំណាក់កាលទី២ ចិនបានផ្ដល់១០ម៉ឺនដូសទៀត ដល់កម្ពុជា។

 

រដ្ឋមន្រ្តីក្រសួងកសិកម្ម លោក វេង សាខុន លើកឡើងថា៖«វ៉ាក់សាំងជំងឺសាទឹក និងអ៊ុតក្តាមនេះ ត្រូវបានផលិតយ៉ាងពិសេសសម្រាប់លក្ខខ័ណ្ឌអាកាសធាតុនៃប្រទេសកម្ពុជា ដូច្នេះយើងមានជំនឿជាក់យ៉ាងមុតមាំថាវ៉ាក់សាំងទាំងនេះ នឹងមានប្រសិទ្ធភាព និងគុណភាពល្អបំផុតដែលមិនធ្លាប់មានពីមុនមក»។

 

បើតាមរដ្ឋមន្រ្តីកសិកម្ម ជំនួយវ៉ាក់សាំងជំងឺសាទឹក និងអ៊ុតក្ដាម ចំនួន ២០ម៉ឺនដូសមកកម្ពុជា ដើម្បីចូលរួមប្រយុទ្ធប្រឆាំងនឹងជំងឺសាទឹក និងអ៊ុតក្តាម(FMD) ។ លោករដ្ឋមន្រ្តីកសិកម្ម បន្ថែមថា វ៉ាក់សាំងជំងឺសាទឹក ដែលទទួលបានក្នុងដំណាក់កាលទី១ អគ្គនាយកដ្ឋានសុខភាពសត្វ និងផលិតកម្មសត្វ បានបើកផ្តល់ និងចាក់វ៉ាក់សាំងដល់សត្វគោក្របីរអស់ចំនួន ៤៧ ០០០ដូសហើយ៕