ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
តើអ្នកមានភ្នែកពណ៌ត្នោតដែរឬទេ? តាមការសិក្សាស្រាវជ្រាវថ្មីមួយ បានរកឃើញនូវចំណុចទាក់ទាញជាច្រើនរបស់ក្រុមមនុស្សដែលមានភ្នែកពណ៌ត្នោត។
សម្រាប់បុគ្គលទាំងឡាយណាដែលមានភ្នែកពណ៌ត្នោត ត្រូវបានចាត់ទុកថាពួកគេមានកម្លាំងដ៏អាថ៌កំបាំងមួយ ដែលអាចជួយអោយពួកគេយកឈ្នះនូវទំនុកចិត្តពីមនុស្សជុំវិញខ្លួនបាន។ វាអាចជួយពួកគេ តាមរយៈការបង្ហាញនូវទុកទំនុកចិត្ត ទៅកាន់អ្នកដទៃ។ លក្ខណៈសម្បត្តិមួយនេះគឺអាច ធ្វើអោយមនុស្សដែលមានភ្នែកពណ៌ត្នោតបង្កើតបាននូវសេចក្តីទុកចិត្តពីអ្នកដទៃ ដោយពួកគេខ្លួនឯងមិនទាំងបានដឹងខ្លួនផង។ នេះគឺជាចំណុចមួយ ដែលអាចជម្រុញមនុស្សជុំវិញខ្លួនពួកគេសារភាព និងបើកចំហររឿងរ៉ាវផ្សេងៗយ៉ាងងាយចំពោះខ្លួន។
ជាការពិត ឥទ្ធិពលមួយនេះអាចជម្រុញអោយមនុស្ស បើកទម្លាយនូវអាថ៌កំបាំងផ្សេងៗ ជាច្រើន។ ក្រុមអ្នកសិក្សាស្រាវជ្រាវ បានសរុបសេចក្តីមួយមកថា នេះក៏ជាចំណុចមួយដែលបញ្ជាក់បានថាមនុស្សដែលមានភ្នែកពណ៌ត្នោតគឺហាក់នឹងមាន រង្វង់ក្រុមមិត្តភក្តិធំមួយ ជាងមនុស្សធម្មតា។ អ្នកសិក្សាស្រាវជ្រាវក៏បានអះអាងផងដែរថា មនុស្សដែលមានភ្នែកពណ៌ត្នោត គឺជាសញ្ញាមួយនៃការមានថមពលបន្ថែម។ ពួកគេជាក្រុមមនុស្សដែលមាន ភាពរីករាយខ្លាំងនៅក្នុងជីវិតបានពេញលេញ។ ក្រុមគ្រូពេទ្យផ្នែកចិត្តវិជ្ជាក៏ទទួលស្គាល់ផងដែរ ថាក្រុមអ្នកជំងឺដែលមានភ្នែកពណ៌ត្នោត ក៏មានចំណង់ក្នុងការរស់នៅបានពេញលេញខ្លាំងជាងអ្នកជំងឺផ្សេងទៀត។
តាមការយល់ឃើញផ្នែកអារម្មណ៍ ក្រុមមនុស្សភ្នែកពណ៌ត្នោតទាំងនោះ ត្រូវបានចាត់ទុកថាពួកគេឆាប់មានការប៉ះទង្គិចផ្នែកអារម្មណ៍។ ពួកគេពូកែខាងយោគយល់ និងអាណិតមនុស្សដទៃ និងយល់ពីអារម្មណ៍មនុស្សនៅជុំវិញខ្លួនបានយ៉ាងល្អ។
ជាការពិត អ្នកសិក្សាស្រាវជ្រាវបានរកឃើញទៀតថា មនុស្សដែលមានភ្នែកពណ៌ត្នោតគឺជា ប្រភេទមនុស្សដែលពោរពេញដោយអារម្មណ៍ផ្លូវចិត្ត។ប្រសិនបើអ្នកជាស្ត្រីដែលមានភ្នែកពណ៌ត្នោត នោះអ្នកគឺជាស្ត្រីម្នាក់ដែលយល់ពីការស្រលាញ់ និងអាចធ្វើនូវរាល់អ្វីៗចំពោះមនុស្សជាទីស្រលាញ់ ឬដៃគូរជីវិតរបស់អ្នក៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
